ma Nijon

tan lipu Wikipesija
Revision as of 2022-05-26T15:55:27 by Jolan (toki | ante) (kipisi)
Jump to navigation Jump to search
ma Nijon

日本

Flag of Japan.svg

len ma

Imperial Seal of Japan.svg

sitelen lawa

kalama musi ma

君が代

Japan (orthographic projection).svg
ma tomo lawa ma tomo Tokijo
toki lawa toki Nijon
mani mani En (¥)
ISO 3166 JP


Under construction icon-yellow.svg lipu ni li pini ala li wile e pali. sina ken pini e ona.

ma Nijon (toki Nijon: 日本 ɲihoꜜɴ) li ma lon ma Asija. ona li kulupu pi ma lon telo. jan ona li nimi e ma Nipon (toki Nijon: 日本 ɲippoꜜɴ) tawa ma ni. toki suli ona li toki Nijon (toki Nijon: 日本語 ɲihoŋɡo).

ma Nijon li poka e telo suli Pasipi e telo suli Nijon. ma Sonko e ma Anku seli e ma Anku lete e ma Losi li lon ma suli Asija li poka e ma Nijon.

ma suli pi ma Nijon li tu tu: ma Okawito en ma Onsu en ma Sikoku en ma Kijusiju. ma Onsu li ma suli nanpa wan li mute jan nanpa wan. ma Nijon li jo e kulupu ma lili lon telo Lijukiju kin. ma suli nanpa wan pi ma Lijukiju li ma Okinawa.

ma tomo lawa pi ma Nijon li ma tomo Tokijo. tenpo pini la ma tomo Kijoto li ma tomo lawa pi ma ni. tenpo pini pini la ma tomo Nala li ma tomo lawa. tenpo pini pini la jan Nijon li nimi e ma ni li ma Jamato.

tenpo pini

tenpo pini pini la sona pona mute en ilo pona mute li kama tan ma Sonko en ma Anku. tenpo pini lili la ma Nijon li sona tan ma Mewika en ma Elopa.

ma

ma tomo pi ma Nijon:


jan

ma Nijon li jo e kulupu jan Jamato anu kulupu jan Nijon, e kulupu jan Inu e kulupu jan Lijukiju. jan Awinu li kulupu jan nanpa wan pi ma Okawito. kulupu jan Lijukiju li lon kulupu ma telo Lijukiju. jan Jamato li lon ma ali pi ma Nijon. jan mute li toki e toki Nijon, taso toki Inu en toki Okinawa li kin lon.

ma pi ma Nijon li lili, taso nanpa jan lon ma Nijon li suli. jan mute li lon ma Nijon. mute jan la ona li ma suli nanpa luka luka lon ale.

jan pi ma Nijon li musi e musi Ko.

esun

ma Nijon li jo e mani mute. ona li pali e ijo mute li pana e ijo ni tawa ma ante.