ma Oselija

ma Oselija
Commonwealth of Australia
ma Oselija Commonwealth of Australia
len ma	sitelen lawa
ma tomo lawa	ma tomo Kanpela
mute jan la ; ma tomo suli	ma tomo Sini
ma suli	ma Osejanija
toki lawa	toki Inli
jan lawa	jan lawa Sa nanpa tu wan (jan lawa mama) jan Tawi Kali (jan lawa pi tomo lawa) jan Antoni Apani (jan nanpa wan pi tomo lawa)
mani	mani Tola pi ma Oselija ($) (AUD)
ISO 3166	AU

lipu ni li wile e pali tan ni: nasin toki li ike. sina ken pona e ona.

lipu ni li pini ala li wile e pali. sina ken pini e ona.

ma Oselija (toki Inli: Australia) li ma pi ma Osejanija. ona li poki e ma suli lon telo pi ma Osejanija, e ma Tamenija, e ma lili mute lon telo.^[1]

tenpo pini

jan nanpa wan pi ma Oselija

tenpo sike 65,000 pini la, jan nanpa wan li kama tan ma Asija.^[2]^[3] ona li jo e kulupu mute e toki mute.^[4] ona li pali ante e ma tawa alasa e soweli e kala kepeken lawa pi seli en sinpin linja pi telo linja. kin la ona li pali e ilo alasa mute. palisa alasa en palisa tawa kama li ni. mute la jan nanpa wan li pali ala e tomo suli. kin la ona li tawa kepeken kulupu lili. ma ale li jo jan ala tawa jan nanpa wan, pilin ona li ni: mi kama tan ma, ma li mama mi, ma li jo e mi. kin la nasin sike li suli tawa ona. ona la tenpo pini en tenpo ni en tenpo kama li sama.

jan kama pi ma Elopa

tenpo sike 1606 la, jan pi ma Netelan li lukin tawa ma Oselija. ona li sitelen e ma selo mute, li pana e nimi "ma Niju Olan" (toki Netelan: Nieuw-Holland, "ma Olan sin"). taso, ona li lon ala e tomo.^[5] jan Jemu Ku (toki Inli: James Cook) pi ma Inli li sitelen e ma selo mute kin lon tenpo sike 1770. ona li pana e nimi "ma Niju Sato Welu" (toki Inli: New South Wales, "ma Kinla sin pi lon ante") tawa ma selo ni. ona li toki e ni: jan ala li lawa e ma ni la ma Inli li jo e ma selo ni.^[6] tenpo sike 1788 la, ma Inli li weka e jan ike e jan pakala tawa ma Niju Sato Welu.^[7]

jan pi ma Inli li utala li moli li lawa e jan pi nanpa wan.^[8] ona li lanpan e jan lili tan mama pi jan nanpa wan.^[9] tenpo ni la, ni li awen, taso ni li pana kin e pilin ike tawa jan nanpa wan pi tenpo ni. ona li pana e nimi "kulupu jan tenpo pi lanpan" tawa jan nanpa wan tan ijo tenpo ni. ^[10]

kama ma wan

tenpo sike 1788 tawa sike 1900 la ma ni li ma sin luka wan pi ma Juke. ona li jo e jan lawa ante e kulupu utala ante e mute ante. tenpo sike 1890 tawa sike 1898 la jan lawa li toki e ni lon kulupu toki: ona li wile e kulupu e ma ale pi ma Oselija. ona li pali e lipu ma lawa sin li pana wile tawa jan. tenpo suno wan pi tenpo sike 1901 la ona li kama e ma wan Oselija. ^[11]

ma

telo suli Insija en telo suli Pasipi li poki e ma Oselija. kin la, telo Arafura en telo Timor li lon. selo ma pi ma Kinlan la, telo Coral li lon kin.

ma Oselija jo e ma kipisi pi luka wan e ma kipisi ante tu wan. kin la, ona jo e ma kipisi ante pi telo ante. ma lon ma Oselija li ni:

ma kipisi

ma kipisi lili

lon ma Oselija

ma Ensi (NT)
ma Asete (ACT)
ma Jewipe (JBT)

ma telo

jan

tenpo sike 2016 la jan lawa li pali e lipu nanpa jan, pini la ona li lukin e ni: jan 23,401,892 li lon ma Oselija.

ma suli la ma Oselija li jo ala e jan mute. jan mute li poka e selo ma e telo suli.

ma mama jan

lipu nanpa jan la jan lawa li sitelen e ni: ma mama sina li seme? jan li sitelen e ni:

ma mama	kipisi	sona mute
ma Inli	36.1%
ma Oselija	33.5%	ni la jan mute li tan ma Juke.
ma Alan	11.0%
ma Sukosi	9.3%
ma Sonko	5.6%
ma Italija	4.6%
ma Tosi	4.5%
ma Palata	2.8%
jan nanpa wan	2.8%	ni la jan nanpa wan li tan ma suli Oselija li tan ma telo Towe.
ma Elena	1.8%
ma Netelan	1.6%
ma Pilipina	1.4%
ma Wije	1.4%
ma Lunpan	1%

toki mama jan

...

suli pi ma tomo ^[12]

	nanpa jan	nimi pi ma tomo	nimi lon toki Inli	ma kipisi	ma kipisi la ona li ma tomo lawa ala lawa?
1	5,259,764	ma tomo Sini	Sydney	ma Nijusawelu	lawa
2	4,976,157	ma tomo Melepin	Melbourne	ma Witowija	lawa
3	2,568,927	ma tomo Pisepan	Brisbane	ma Kinlan	lawa
4	2,192,229	ma tomo Pese	Perth	ma Tapulowe	lawa
5	1,402,393	ma tomo Atele	Adelaide	ma Satoselija	lawa
6	706,673	ma tomo Kolekos	Gold Coast	ma Kinlan	ala
7	509,894	ma tomo Nukase	Newcastle	ma Nijusawelu	ala
8	482,250	ma tomo Kanpela	Canberra	ma Asete	lawa
9	355,631	ma tomo Sunsankos	Sunshine Coast	ma Kinlan	ala
10	305,880	ma tomo Wolonkon	Wollongong	ma Nijusawelu	ala
11	289,400	ma tomo Jelon	Geelong	ma Witowija	ala
12	251,047	ma tomo Jopate	Hobart	ma Tamenija	lawa
13	181,665	ma tomo Tonwi	Townsville	ma Kinlan	ala
14	155,638	ma tomo Kense	Cairns	ma Kinlan	ala
15	148,801	ma tomo Tawin	Darwin	ma Ensi	lawa

tan sona

↑ "Constitution of Australia". ComLaw. 9 July 1900. lukin 5 August 2011.
↑ Fagan, Brian M.; Durrani, Nadia (2018). People of the Earth: An Introduction to World Prehistory. Taylor & Francis. pp. 250–253. ISBN 978-1-351-75764-5.
↑ Oppenheimer, Stephen (2013). Out of Eden: The Peopling of the World. Little, Brown Book Group. pp. 111–. ISBN 978-1-78033-753-1.
↑ Encyclopædia Britannica.
↑ Davison, Hirst and Macintyre, p. 233
↑ Goucher, Candice; Walton, Linda (2013). World History: Journeys from Past to Present. Routledge. pp. 427–428. ISBN 978-1-135-08829-3.
↑ "European discovery and the colonisation of Australia". Department of the Environment, Water, Heritage and the Arts, Commonwealth of Australia. 11 January 2008. lukin 7 May 2010.
↑ Attwood, Bain; Foster, Stephen Glynn (2003) Frontier Conflict: The Australian Experience National Museum of Australia ISBN 978-1-876944-11-7 p. 89
↑ Attwood, Bain (2005). Telling the truth about Aboriginal history. Crows Nest, New South Wales: Allen & Unwin. ISBN 978-1-74114-577-9.
↑ "The Stolen Generation" The Australian Museum. 22 June 2020. lukin 3 May 2021.
↑ The Federation of Australia. Parliamentary Education Office (PEO). lukin 1 November 2022
↑ Australian Bureau of Statistics (2021). Regional Population. https://www.abs.gov.au/statistics/people/population/regional-population/latest-release

[1] "Constitution of Australia". ComLaw. 9 July 1900. lukin 5 August 2011.

[2] Fagan, Brian M.; Durrani, Nadia (2018). People of the Earth: An Introduction to World Prehistory. Taylor & Francis. pp. 250–253. ISBN 978-1-351-75764-5.

[3] Oppenheimer, Stephen (2013). Out of Eden: The Peopling of the World. Little, Brown Book Group. pp. 111–. ISBN 978-1-78033-753-1.

[4] Encyclopædia Britannica.

[5] Davison, Hirst and Macintyre, p. 233

[6] Goucher, Candice; Walton, Linda (2013). World History: Journeys from Past to Present. Routledge. pp. 427–428. ISBN 978-1-135-08829-3.

[7] "European discovery and the colonisation of Australia". Department of the Environment, Water, Heritage and the Arts, Commonwealth of Australia. 11 January 2008. lukin 7 May 2010.

[8] Attwood, Bain; Foster, Stephen Glynn (2003) Frontier Conflict: The Australian Experience National Museum of Australia ISBN 978-1-876944-11-7 p. 89

[9] Attwood, Bain (2005). Telling the truth about Aboriginal history. Crows Nest, New South Wales: Allen & Unwin. ISBN 978-1-74114-577-9.

[10] "The Stolen Generation" The Australian Museum. 22 June 2020. lukin 3 May 2021.

[11] The Federation of Australia. Parliamentary Education Office (PEO). lukin 1 November 2022

[12] Australian Bureau of Statistics (2021). Regional Population. https://www.abs.gov.au/statistics/people/population/regional-population/latest-release

[1]

[2]

[3]

[4]

[5]

[6]

[7]

[8]

[9]

[10]

[11]

[12]

ma Oselija

poki lawa