ma Oselija
ma Oselia (toki Inli: Australia) li ma pi ma Osejanija. ona li poki e ma suli lon telo pi ma Osejanija, e ma Tamenija, e ma lili mute lon telo.
ma Oselija
Commonwealth of Australia | |
---|---|
ma tomo lawa | ma tomo Kanpala |
toki lawa | toki Inli |
mani | mani pi ma Oselija ($) (AUD) |
ISO 3166 | AU |
tenpo pini
tenpo sike 65,000 pini la, jan pi nanpa wan li kama tan ma Asija. ona li jo e kulupu mute e toki mute.
tenpo sike 1606 la, jan pi ma Netelan li lukin tawa ma Oselija. ona li sitelen e ma selo mute, li pana e nimi "ma Niju Olan" (toki Netelan: Nieuw-Holland). taso, ona li lon ala e tomo.
jan Jemu Ku (toki Inli: James Cook) pi ma Inli li sitelen e ma selo mute kin lon tenpo sike 1770. ona li pana e nimi "ma Niju Sato Welu" (toki Inli: New South Wales) tawa ma selo ni. ona li toki e ni: ma Inli li jo e ma selo ni. tenpo sike 1788 la, ma Inli li weka e jan ike e jan pakala tawa ma Niju Sato Welu.
jan ni li utala li moli li lawa e jan pi nanpa wan. ona li lanpan e jan lili tan jan pi nanpa wan. tenpo ni kin la, ni li awen.