ma Pasila

tan lipu Wikipesija
Revision as of 2023-02-22T16:29:33 by Jan Ke Tami (toki | ante)
Jump to navigation Jump to search
ma Pasila

Brasil

Flag of Brazil.svg

len ma

Coat of arms of Brazil.svg

sitelen lawa

kalama musi ma

BRA orthographic.svg
ma tomo lawa ma tomo Pasilija
mute jan la
ma tomo suli
ma tomo San Palu
ma suli ma Amelika
toki lawa toki Potuke, toki luka Pasila
nasin sewi Katolika (65%), Potesu (22%) - sona tan sike suno nunpa 2010
jan lawa jan Sije Posonalu
mani mani Lija pi ma Pasila (R$)
tenpo UTC-2 tawa -5
ISO 3166 BR
lipu ilo https://www.gov.br
Edit-clear.svg lipu ni li wile e pali. sina ken pona e ona.

ma Pasila (toki Potuke: Brasil /bɾaˈziw/) li ma suli lon ma Amelika seli. toki lawa pi ma Pasila li toki Potuke. ma pi toki Potuke la ona li ma pi suli nanpa wan. jan Pasila pi kute ala li toki kepeken toki luka Pasila (toki Libras). ma tomo lawa ona li ma tomo Pasilija. ma tomo pi suli nanpa wan li ma tomo San Palu.

ma Ulukawi en ma Alensina en ma Palakawi en ma Polipija en ma Pelu en ma Kolonpija en ma Penesuwela en ma Kijana en ma Suliname en ma Kijanakanse li lon poka pi ma Pasila. sama la ma Pasila li lon poka pi telo suli Alansi.

ma Pasila la jan mute en kulupu ante li lon.

ma Pasila la kasi mute en soweli mute en akesi mute en kala mute en pipi mute li lon. ma ni la ma kasi Amasonja en ma kasi telo Pantana en ma kasi pi seli lili Kasinka en ma kasi Mata Atansika en ma kasi Selatu en ma mute ante li lon. pakala pi ma kasi ni li ike tawa ma ale.

sona pi tenpo pini

ijo pi nasin sewi Katolika nanpa wan lon ma Pasila, jan pi nasin sewi tan tomo tawa telo pi jan Petu Awali Kapa

tenpo pini suli la, jan li lon ma Pasila. jan Petu Awali Kapa tan ma Potuke li kama sona e ma Pasila lon tenpo pi sike suno nanpa 1500. tenpo sike nanpa 1530 tawa tenpo sike nanpa 1822 la ma Potuke li lawa e ma Pasila. tenpo poka pini la, ma Pasila en ma Potuke li sama tawa ma pi jan lawa pi ma Potuke, taso, sike suno nanpa 1822 la, ma Pasila li kama wan taso. tenpo open la, jan wan li lawa e ma Pasila, taso tenpo sike nanpa 1889 tawa tenpo ni la, jan mute ken lawa.

tenpo pi lawa Potuke tawa tenpo pi sike suno nanpa 1850 la, esun pi jan jo li pana e jan pimeja mute tawa ma Pasila. sike suno 1888 la jan jo li ike tawa lipu lawa pi ma Pasila.

tenpo sike 1964 tawa tenpo sike 1985 la, jan utala pi ma Pasila li lawa e ma Pasila. taso tenpo ni la, jan ale li ken lawa.

ma

ma lili

ma tomo suli

ma tomo Liju-Sina-Nelu

tenpo sike 2021 la ma tomo suli pi ma Pasila li ni li jo e nanpa jan ni:[1]

ma tomo nimi mama nanpa jan
1 San-Palu São Paulo 12,396,372
2 Liju-Sisa-Nelu Rio de Janeiro 6,775,561
3 Pasilija Brasília 3,094,325
4 Sawato Salvador 2,900,319
5 Potalesa Fortlelza 2,703,391
6 Pelu Olison Belo Horizonte 2,530,701
7 Manasu Manaus 2,255,903
8 Kulispa Curitiba 1,963,726
9 Lewisi Recife 1,661,017
10 Kojanja Goiânia 1,555,626

ma tomo Pasilija li ma tomo lawa pi ma Pasila. ma tomo ni lon ma lili lawa.

jan

musi pi sike noka li pona tawa jan mute lon ma Pasila. jan mute ken musi pona e ona.

tan sona