ma Pasila

tan lipu Wikipesija
Jump to navigation Jump to search
ma Pasila

Brasil

Flag of Brazil.svg

len ma

 Coat of arms of Brazil.svg

sitelen lawa

kalama musi ma

BRA orthographic.svg
sitelen ma pi ma Pasila
ma tomo lawa ma tomo Pasilija
mute jan la
ma tomo suli 		ma tomo San Palu
ma suli ma Amelika seli
toki lawa toki Potuke, toki luka Pasila
toki ante toki mute pi ma Pasila, toki pi ma suli Elopa (toki Italija, toki Tosi)
nasin sewi kulupu Katolika (65%), kulupu Potesu (22%) (sona tan tenpo suno 2010)
jan lawa jan Lula
mani mani Lija pi ma Pasila (R$)
tenpo UTC−05:00 tawa UTC−02:00
ISO 3166 BR
lipu ilo gov.br

ma Pasila (toki Potuke: Brasil [bɾaˈziw]) li ma suli lon ma Amelika seli. toki lawa pi ma Pasila li toki Potuke. ma pi toki Potuke la ona li ma pi suli nanpa wan. jan Pasila pi kute ala li toki kepeken toki luka Pasila (toki Libras). ma tomo lawa ona li ma tomo Pasilija. ma tomo pi suli nanpa wan li ma tomo San Palu.

ma Ulukawi en ma Alensina en ma Palakawi en ma Polipija en ma Pelu en ma Kolonpija en ma Penesuwela en ma Kijana en ma Suliname en ma Kijanakanse li lon poka pi ma Pasila. sama la ma Pasila li lon poka pi telo suli Alansi.

ma Pasila la kasi mute en soweli mute en akesi mute en kala mute en pipi mute li lon. ma ni la ma kasi Amasonja en ma kasi telo Pantana en ma kasi pi seli lili Kasinka en ma kasi Mata Atansika en ma kasi Selatu en ma mute ante li lon. pakala pi ma kasi ni li ike tawa ma ale.

ma Pasila la jan mute en kulupu ante li lon.

tenpo pini[o ante | o ante e toki ilo]

ijo pi nasin sewi Katolika nanpa wan lon ma Pasila, jan pi nasin sewi tan tomo tawa telo pi jan Petu Awali Kapa

tenpo pini suli la, jan li lon ma Pasila. jan Petu Awali Kapa (toki Potuke: Pedro Álvares Cabral) tan ma Potuke li kama sona e ma Pasila lon tenpo pi sike suno nanpa 1500. tenpo sike 1530 tawa tenpo sike 1822 la, ma Potuke li lawa e ma Pasila. tenpo poka pini la, ma Pasila en ma Potuke li sama tawa ma pi jan lawa pi ma Potuke. taso, tenpo sike 1822 la, ma Pasila li kama wan taso. tenpo open la, jan wan li lawa e ma Pasila, taso tenpo sike nanpa 1889 tawa tenpo ni la, jan mute ken lawa.

tenpo pi lawa Potuke tawa tenpo pi sike suno nanpa 1850 la, esun pi jan jo li pana e jan pimeja mute tawa ma Pasila. sike suno 1888 la jan jo li ike tawa lipu lawa pi ma Pasila.

tenpo sike 1964 tawa tenpo sike 1985 la, jan utala pi ma Pasila li lawa e ma Pasila. taso tenpo ni la, jan ale li ken lawa.

ma[o ante | o ante e toki ilo]

ma lili[o ante | o ante e toki ilo]

ma lili nimi toki Potuke ma tomo lawa nanpa jan
ma Ake Acre (AC) ma tomo Liju Panku 942 123
ma Alakowa Alagoas (AL) ma tomo Masejo 3 407 562
ma Amapa Amapá (AP) ma tomo Makapa 904 535
ma Amasona Amazonas (AM) ma tomo Manasu 4 235 555
ma Pawija Bahia (BA) ma tomo Sawato 15 128 926
ma Sejala Ceará (CE) ma tomo Potalesa 8 952 013
ma lili lawa pi ma Pasila Distrito Federal (DF) ma tomo Pasilija 3 204 720
ma Epilitu Santu Espírito Santo (ES) ma tomo Witolija 4 058 378
ma Kojasi Goiás (GO) ma tomo Kojanja 7 202 463
ma Malanjan Maranhão (MA) ma tomo San Luwi 7 206 271
ma Matu Kosu Mato Grosso (MT) ma tomo Kujaba 3 394 102
ma Matu Kosu anpa Mato Grosso do Sul (MS) ma tomo Kanpu Kansi 2 880 308
ma Mina Selasi Minas Gerais (MG) ma tomo Pelu Olisonsi 21 279 353
ma Pala Pará (PA) ma tomo Pelen 8 639 532
ma Palawipa Paraíba (PB) ma tomo Sowan Pesowa 4 175 326
ma Palana Paraná (PR) ma tomo Kulisipa 11 623 091
ma Penanpuku Pernambuco (PE) ma tomo Lesipi 9 645 321
ma Pijawi Piauí (PI) ma tomo Telesina 3 341 352
ma Liju Rio de Janeiro (RJ) ma tomo Liju 17 365 809
ma Lijukan sewi Rio Grande do Norte (RN) ma tomo Nata 3 619 619
ma Lijukan anpa Rio Grande do Sul (RS) ma tomo Potu Aleki 11 465 252
ma Lontonja Rondônia (RO) ma tomo Potu Weju 1 837 905
ma Lolama Roraima (RR) ma tomo Powa Wita 708 352
ma Santa Katalina Santa Catarina (SC) ma tomo Polijanopoli 7 218 704
ma San Palu São Paulo (SP) ma tomo San Palu 46 302 753
ma Sesipi Sergipe (SE) ma tomo Alakasu 2 403 563
ma Tokansin Tocantins (TO) ma tomo Pama 1 692 452

ma tomo suli[o ante | o ante e toki ilo]

sitelen pi ma tomo Liju

tenpo sike 2021 la ma tomo suli pi ma Pasila li ni li jo e nanpa jan ni:

ma tomo suli pi ma Palisa[1]
# ma tomo nimi mama ma lili nanpa jan
1 ma tomo San Palu São Paulo ma San Palu 12 396 372
2 ma tomo Liju Rio de Janeiro ma Liju 6 775 561
3 ma tomo Pasilija Brasília ma lili lawa pi ma Pasila 3 094 325
4 ma tomo Sawato Salvador ma Pawija 2 900 319
5 ma tomo Potalesa Fortaleza ma Sejala 2 703 391
6 ma tomo Pelu Olisonsi Belo Horizonte ma Mina Selasi 2 530 701
7 ma tomo Manasu Manaus ma Mina Selasi 2 255 903
8 ma tomo Kulisipa Curitiba ma Palana 1 963 726
9 ma tomo Lesipi Recife ma Penanpuku 1 661 017
10 ma tomo Kojanja Goiânia ma Kojasi 1 555 626
11 ma tomo Pelen Belém ma Pala 1 506 420
12 ma tomo Potu Aleki Porto Alegre ma Lijukan anpa 1 492 530
13 ma tomo Kaluju Guarulhos ma San Palu 1 404 694
14 ma tomo Kanpina Campinas ma San Palu 1 223 237
15 ma tomo San Luwi São Luís ma Malanjan 1 115 932
16 ma tomo San Konsalu São Gonçalo ma Liju 1 098 357
17 ma tomo Masejo Maceió ma Alakowa 1 031 597
18 ma tomo Kanpu Kansi Campo Grande ma Alakowa 916 001
19 ma tomo Telesina Teresina ma Pijawi 871 126
20 ma tomo Sowan Pesowa João Pessoa ma Palawipa 825 796

ma tomo Pasilija li ma tomo lawa pi ma Pasila. ma tomo ni lon ma lili lawa.

jan[o ante | o ante e toki ilo]

musi pi sike noka li pona tawa jan mute lon ma Pasila. jan mute ken musi pona e ona.

tan sona[o ante | o ante e toki ilo]

  1. ↑ Estimativas da população residente no Brasil e unidades de federação com data de referência em 1º de julho de 2021 Instituto Brasileiro de Geografia e Estatística (toki Potuke)
tan https://wikipesija.org/index.php?title=ma_Pasila&oldid=32647