ma Po

tan lipu Wikipesija
Jump to navigation Jump to search
ma lili pi ma Po

ma Po (toki Po: བོད་ [pʰøː˨˧˩]) li ma lon ma Asija. tenpo ni la ma Sonko li lawa e ona. ni li ike tawa kulupu jan Po. jan lawa pona pi ma Po li jan Tale Lama. toki lawa pi ma Po li toki Po li toki Sonko.

ma Po li jo e kipisi ma pi tu wan e ma Usan (toki Po: དབུས་གཙང་, Ü-tsang), e ma Anto (toki Po: ཨ་མདོ་, Amdo), e ma Kan (toki Po: ཁམས་, Kham). nena ma sewi li lon selo pi ma Po li lon ma Usan.

ma[o ante | o ante e toki ilo]

ma li lon insa pi ma Asija. ona li jo e nena ma suli mute. suli la nena ma nanpa wan li nena ma Somoluma (toki Po: ཇོ་མོ་གླང་མ). nena ma ni li lon selo ma Po ma Nepalu.

kipisi pi ma Sonko[o ante | o ante e toki ilo]

ma Po pi ma Sonko

sike suno 1950 - 1951 (tenpo kama pi jan Isa) la ma Sonko li utala e ma Po li wawa e ma Po. ma ante ala li pana tawa ma Po tan ma Po li lon ala kulupu pi ma mute wan (UN). jan Tale Lama li tawa ma tomo धर्मशाला Dharmashaalaa (Tamasala) lon ma Palata. tenpo kama pi utala la lawa Sonko li moli e jan Po mute e ma Po.

tenpo ni la ma Po Sonko li kipisi lili pi ma Po li ma Usan li kipisi pi ma Kan.

jan li toki ike tawa ma Sonko, li toki e ni "ma Po wile lawa e ma Po" la lawa Sonko li weka anu moli e ona.

ma Po li lon kulupu pi ma en jan pi toki ala (UNPO)