ma Sensa

ma Sensa Sverige
len ma	sitelen lawa
kalama musi ma Du gamla du fria
ma Sensa lon ma Elopa
ma tomo lawa	ma tomo Sokon
toki lawa	toki Sensa
nasin lawa	lawa pi jan ale
mani	mani Kona

ma Sensa (toki Sensa: Sverige, anu Konungariket Sverige) (anu ma Wensa) li ma lon ma suli Elopa. tenpo pi sike suno 2021 la jan 10,380,491 li lon ma Sensa. ma Sensa li lon kulupu ma Elopa.

nasin lawa

jan lawa suli li lawa e ma Sensa, taso jan ni li jo e wawa ala. kulupu lawa li lawa kin e ma ni. kulupu ni li jo e wawa. jan lawa pi kulupu ni li jan lawa pi ma Sensa kin.

kulupu lili lon kulupu lawa suli

kulupu lili mute li lon kulupu lawa suli pi ma Sensa. kulupu lili mute ni li lon anpa (lon toki Sensa en lon toki pona).

• Centerpartiet (C) (kulupu insa)
• Kristdemokraterna (Kd) (kulupu pi nasin sewi)
• Liberalerna (L) (kulupu pi nasin lawa lili)
• Miljöpartiet (Mp) (kulupu ma)
• Moderaterna (M) (kulupu pi jan insa mute)
• Socialdemokraterna (S (kulupu kulupu, anu kulupu pi jan pali)
• Sverigedemokraterna (SD) (kulupu pi ma Sensa)
• Vänsterpartiet (V) (kulupu pi nasin lawa loje)

kulupu pi pali lawa

lon tenpo pini, tan tenpo pi lanpan wile, la kulupu pi pali lawa li kulupu pi jan pali (S) lon poka pi kulupu ma (MP). lon tenpo pini la ona li jo e lipu pi wile pali (Januariavtalet) lon kulupu pi kulupu insa (C) lon kulupu pi lawa lili (L). taso kulupu pi lawa lili li weka tan lipu. tenpo ni la kulupu pi pali lawa li kulupu pi jan pali taso. jan lawa li jan Makalena Aneson (Magdalena Andersson).

esun

ma Sensa li kepeken mani Kona.