ma Sensa

tan lipu Wikipesija
Revision as of 2022-10-11T19:17:47 by 81.27.113.188 (toki) (ma poka)
Jump to navigation Jump to search
ma Sensa

Sverige

Flag of Sweden.svg

len ma

Great coat of arms of Sweden

sitelen lawa

kalama musi ma

Du gamla du fria

EU-Sweden
ma Sensa lon ma Elopa
ma tomo lawa ma tomo Sokon
toki lawa toki Sensa
toki ante kulupu toki Sami
toki Sumi
toki Menkijeli
toki Lomani
toki Itesi
nasin lawa lawa pi jan ale
mani mani Kona


ma Sensa (toki Sensa: Sverige, anu Konungariket Sverige) (anu ma Wensa) li ma lon ma suli Elopa. tenpo pi sike suno 2021 la jan 10,380,491 li lon ma Sensa. ma Sensa li lon sewi pi ma Elopa lete lon kulupu ma Elopa. ma Nosiki en ma Sumi li lon poka pi ona. ma Tansi li lon poka la taso telo suli li insa pi ma tu ni.

nasin lawa

jan lawa suli li lawa e ma Sensa, taso jan ni li jo e wawa ala. kulupu lawa li lawa kin e ma ni. kulupu ni li jo e wawa. jan lawa pi kulupu ni li jan lawa pi ma Sensa kin.

kulupu lili lon kulupu lawa suli

kulupu lili mute li lon kulupu lawa suli pi ma Sensa. kulupu lili mute ni li lon anpa (lon toki Sensa en lon toki pona).

  • Centerpartiet (C) (kulupu insa)
  • Kristdemokraterna (Kd) (kulupu pi nasin sewi)
  • Liberalerna (L) (kulupu pi nasin lawa lili)
  • Miljöpartiet (Mp) (kulupu ma)
  • Moderaterna (M) (kulupu pi jan insa mute)
  • Socialdemokraterna (S (kulupu kulupu, anu kulupu pi jan pali)
  • Sverigedemokraterna (SD) (kulupu pi ma Sensa)
  • Vänsterpartiet (V) (kulupu pi nasin lawa loje)

kulupu pi pali lawa

lon tenpo pini, tan tenpo pi lanpan wile, la kulupu pi pali lawa li kulupu pi jan pali (S) lon poka pi kulupu ma (MP). lon tenpo pini la ona li jo e lipu pi wile pali (Januariavtalet) lon kulupu pi kulupu insa (C) lon kulupu pi lawa lili (L). taso kulupu pi lawa lili li weka tan lipu. tenpo ni la kulupu pi pali lawa li kulupu pi jan pali taso. jan lawa li jan Makalena Aneson (Magdalena Andersson).

esun

ma Sensa li kepeken mani Kona.

toki lili lawa

ma pi toki lili lawa pi ma Sensa.
laso telo walo: toki Sumi
laso telo: toki Sumi en toki Menkijeli
jelo: kulupu toki Sami
laso kasi walo: toki Sumi en kulupu toki Sami
laso kasi: toki Sumi en toki Menkijeli en kulupu toki Sami

kulupu toki Sami en toki Sumi en toki Menkijeli en toki Lomani en toki Itesi li toki lili lawa (toki Sensa: Nationella minoritetsspråk) pi ma Sensa. tan li ni: tenpo mute la jan mute pi toki ni li lon ma Sensa. ma Sensa li wile awen e toki ni.[1]

tan sona