ma Sesesele

ma Sesesele Советский Союз
len ma	sitelen lawa
kalama musi ma Интернационал (kalama musi Entenasijonala) (1922-1944) Государственный гимн СССР (kalama musi ma pi ma Saweki) (1944–1991)
ma tomo lawa	ma tomo Makuwa
toki lawa	toki Losi
mani	mani Lupe (руб)
ISO 3166	SU

tenpo pini la, ma Sesesele (toki Losi: Советский Союз) anu ma Saweki li kulupu ma lon ma Elasija. ona li lon la, ona li suli nanpa wan lon ma ale. ma Saweki la, ma Losi li suli nanpa wan. nasin lawa pi ma Saweki li nasin pi esun ala li nasin lawa jan Maku jan Lenin.

tenpo sike 1917 la, kulupu Pasiwi li weka e kulupu lawa pi ma Losi. utala insa pi ma Losi la, kulupu Pasiwi li utala e kulupu walo. tenpo sike 1922 la ma tu tu li kama wan li kama ma Saweki.

utala lete la ona li utala e ma Mewika.

tenpo sike 1991 la, ma Sesesele li pakala. ma Sesesele li kama e ma luka luka luka.

ma pi ma Sesesele

• ma Losi
• ma Ukawina
• ma Pelalusi
• ma Opeki
• ma Kasa
• ma Katelo
• ma Asepajan
• ma Lijatuwa
• ma Motowa
• ma Lawi
• ma Kilisa
• ma Tosiki
• ma Aja
• ma Sikimen
• ma Esi

len sitelen

len sitelen pi ma Sesesele li loje li jo e ilo jelo tu e mun jelo.