ma Sesesele

tenpo pini la, ma Sesesele (toki Losi: Советский Союз) anu ma Saweki li kulupu ma lon ma Elasija. ona li lon la, ona li suli nanpa wan lon ma ale. ma Saweki la, ma Losi li suli nanpa wan. nasin lawa pi ma Saweki li nasin pi esun ala li nasin lawa jan Maku jan Lenin. ilo pali en ilo pan li sitelen suli pi ma ni.

ma Sesesele Советский Союз (Sovetskij Sojuz)
len ma	sitelen lawa
kalama musi ma Интернационал (kalama musi Intenasijonale) (1922-1944) Государственный гимн СССР (kalama musi ma pi ma Saweki) (1944–1991)
ma tomo lawa	ma tomo Makuwa
toki lawa	toki Losi
mani	mani Lupe (руб)
ISO 3166	SU

tenpo sike 1917 la, kulupu Pasiwi li weka e kulupu lawa pi ma Losi. utala insa pi ma Losi la, kulupu Pasiwi li utala e kulupu walo. tenpo sike 1922 la ma tu tu li kama wan li kama ma Saweki.

ma Sesesele la lon li ike. jan mute li moli tan lawa pi ma Sesesele. tan li mute. jan li wile ala lukin e lawa li toki ike tan lawa la lawa li moli e ona. ante la lawa li tawa e jan tawa tomo pali.

ma Sesesele la moku li lili. tenpo la jan li moli tan moku ala lon ma ni.

utala lete la ona li utala e ma Mewika.

tenpo sike 1991 la, ma Sesesele li pakala. ma Sesesele li kama e ma luka luka luka.

nimi

nimi lawa pi ma Saweki li Союз kulupu pi ma Lepupi Saweki pi nasin Sosali (toki Losi: Союз Советских Социалистических Республик). nimi Sawe (toki Losi: совет) li toki e kulupu pi jan toki. nimi Sosali li toki e nasin pi pali kulupu.

ma pi ma Sesesele

• ma Losi
• ma Ukawina
• ma Pelalusi
• ma Opeki
• ma Kasatan
• ma Katelo
• ma Asepajan
• ma Lijatuwa
• ma Motowa
• ma Lawi
• ma Kilisa
• ma Tosiki
• ma Aja
• ma Sikimen
• ma Esi

len sitelen

len sitelen pi ma Sesesele li loje. ilo kasi jelo en ilo pali jelo en sitelen suno jelo li lon ona.