ma Setapika
ma Setapika
Suid-Afrika (toki Apikanse) | |
---|---|
len ma |
sitelen lawa |
kalama musi ma
National Anthem of South Africa | |
ma tomo lawa | ma tomo Kape, ma tomo Petolija, ma tomo Punonten |
toki lawa | toki Apikan toki Inli toki Kosa toki Sonka toki Sulu toki Sutu toki Suwana toki Suwasi toki Tepele toki Wenta |
mani | mani Lan |
ISO 3166 | ZA |
ma Setapika (toki Inli: South Africa, toki Sulu: iNingizimu Afrika, toki Kosa: uMzantsi Afrika, toki Apikanse: Suid-Afrika) li ma lon ma Apika seli. ma tomo lawa ona li ma tomo Kape li ma tomo Petolija li ma tomo Punonten. taso, ma tomo suli pi nanpa wan li ma tomo Josanepu. ona li poka e ma Posuwana e ma Sinpapuwe e ma Namipija e ma Mosanpi e ma Esawase. ona li sike e ma Lesoto.
kulupu jan mute li lon ma Setapika. ona li toki e toki mute li jan pi nasin kulupu mute. ni li toki lawa mute (nanpa 11).
tenpo pini la, jan walo taso li lawa e ma Setapika. ona li wawa e jan pimeja tawa lon anpa. nimi pi ni li nasin Apartheid. ni li like mute tawa jan pimeja. ni li pini lon tenpo suno 1994.
tenpo pini
jan li alasa e kiwen sijelo mute lon Setapika tan tenpo pi kama jan. soweli sama mute pi jan li lon ma Setapika pi tenpo pini suli. ona li ma lon ma Setapika pi jo e nimi "supa mama jan".
tenpo pini mute lili la, jan pi kulupu Pantu li kama tawa ma Setapika. pini tawa ni la, kulupu jan Kosan li lon. kulupu Pantu li kama tawa ma pi kulupu Kosan li anpa e kulupu Kosan. tan ni, kulupu Kosan li kama tawa ma pi telo lili.
tenpo sike 1487 la, jan tawa Patolomu Teja tan ma Potuke li kama tawa li kama sona e ma Setapika. ona li jan nanpa wan tan ma Elopa tawa kama tawa ma Setapika.