ma Sijela Te Puweko
ma Sijela te Puweko (toki Epanja: Tierra del Fuego /ˈtjera ðel ˈfweɣo/, "ma pi ma seli") li kulupu ma lon telo. ona li lon poka pi telo suli Alansi lon poka pi telo suli Pasipi. ona li lon ma Amelika seli pi poka pini pi open suno. ona li jo e ma lon telo ~40000. ma ona lon telo suli li ma Ila Kante te Sijela te Puweko (toki Epanja: Isla Grande de Sierra del Fuego, "ma pi ma lon telo suli pi ma pi ma seli"). ma Sile en ma Alensina li tu e ma Sijela te Puweko. kin la ma ona mute li tu e ma Ila Kante te Sijela te Puweko (ma Sile li jo e wan suli). jan 251000 li lon ma Sijela te Puweko (jan mute li lon ma Ila Kante te Sijela te Puweko). telo Makelan (toki Epanja: Estrecho de Magallanes) li tu e ona e ma Amelika seli. telo Teki (toki Epanja: Pasaje de Drake) li tu e ona e ma Antasika. nena ma suli ona li nena ma Talwin (toki Epanja: Monte Darwin). ma tomo pi poka pini pi open suno la, ma tomo Usuwa li nanpa wan (ona li lon ma Alensina). ma tomo lili pi pini pi open suno la, ma tomo lili Puwelito-Tolo li lon.
jan tan ma Elopa li kama tawa ona la, jan Pelinaju Makalasi li nanpa wan. tenpo sike nanpa 1881 la, ma Sile en ma Alensina li tu e ma lon telo lawa pi ma Ila Kante te Sijela te Puweko.