ma Sonko

tan lipu Wikipesija
Revision as of 2022-05-27T17:12:04 by Jolan (toki | ante) (pana suli)
Jump to navigation Jump to search
ma Sonko

中国

Flag of China.svg

len ma

National Emblem of the People's Republic of China (2).svg

sitelen lawa

kalama musi ma

义勇军进行曲 (kalama musi pi kulupu utala wile)

CHN orthographic.svg
ma tomo lawa ma tomo Pesin
toki lawa toki Sonko
toki ante toki Ju
toki Kantun
toki Min
toki Monko
toki Po
toki Wasun
toki Wiku
jan lawa jan Si Sinpin
mani mani Juwan (RMB)
ISO 3166 CN


Under construction icon-yellow.svg lipu ni li pini ala li wile e pali. sina ken pini e ona.

ma Sonko (toki Sonko: 中国) li ma lon ma Asija.

ma Sonko li lon poka pi ma mute; ma Soson en ma Losi en ma Monkolu en ma Kasatan en ma Kilisa en ma Tosiki en ma Akanisan en ma Pakisan en ma Palata en ma Nepalu en ma Tuku en ma Mijanma en ma Lajo en ma Wije li lon poka ona. nanpa jan en esun[1] la, ma Sonko li suli nanpa wan. suli ma la, ma Sonko li nanpa tu wan lon ma ale. tenpo ni la, ma Sonko li kama e ma wawa.[2][3]

tenpo pini suli la, kulupu jan suli en kulupu lawa li lon ma Sonko. taso, ma lawa Sonko pi tenpo ni li kama lon tenpo sike 1949 kin. kulupu lawa pi ma Sonko li jo e kulupu pi nasin lawa wan taso. jan mute li toki e ni: ona li nasin lawa pi jan ale ala.[4][5]

len sitelen pi ma Sonko li loje li jo e mun jelo nanpa luka.

tenpo pini

tenpo pini la, kulupu lawa mama li lawa e ma Sonko. tenpo mute la ma Sonko li pakala li kama wan. jan lawa nanpa wan pi ma Sonko wan li jan Sin Se Jun. ma Tasin li kulupu lawa mama nanpa pini. tenpo sike 1912 la ma Sonko li kama ma pi kulupu lawa. tenpo sike 1927 la utala insa li open. tenpo sike 1949 la kulupu Komintan li tawa ma Tawan. tenpo ni la ma Sonko li jo e lawa ma tu. wan li lon ma Sonko pi ma suli. wan ante li lon ma Tawan.

jan

jan 1,400,000,000 li lon ma Sonko. nanpa jan la ma Sonko li suli nanpa wan.

ona li kulupu jan mute pi tan ante lon ma Sonko. kulupu jan An (汉族) li kulupu suli.

jan mute pi ma Sonko li kepeken toki Sonko. taso, toki mute li lon ma Sonko.

tan sona