sina ante e lipu "ma lawa suli Piten"

[[sitelen:The British Empire.png|thumb|tenpo ali la, ma ali lon ma suli Piten]]
'''ma lawa suli Piten''' li [[ma lawa suli]] pi tenpo pini. ona li jo e ma mute lon ma mute lawa tan [[ma Juke]] en [[ilo suli pi kulupu lawa]] ona pini. open la, ona li jo e ma lili pi [[ma Inli]] li lanpan lon [[ma Amelika]] lon kulupu suli pi tenpo sike nanpa 16. ona li kama e ma lawa suli nanpa wan lon ma ali lon tenpo ali. tan ni, ma Juke li kama e [[ma wawa]] nanpa wan. tenpo pi suli nanpa wan pi ma suli ni li lon tenpo sike 1921. taso, ma suli Piten li kama lili lon tenpo kama ona. pini pi [[utala suli nanpa tu]] la, ma ante li kama jo e wawa mute. ma mute pi ma suli Piten li weka e ma ona mute. ona li kama pini lon tenpo ni.

ma lawa suli Piten li kama lon [[tenpo pi alasa ma]] lon [[ma Elopa]]. [[ma Epanja]] en [[ma Potuke]] la, jan li tawa telo en ma ona li lanpan ma sin. tan ni, ma ante lon ma Elopa li open e kama jo pi ma mute. ma Inli li utala e ma ante pi ma Elopa tawa lanpan ma mute lon [[ma Amelika lete]]. taso, tenpo sike 1775 la, [[utala pi ante suli pi ma Mewika|jan pi ma Mewika li utala tawa weka e lawa pi ma Piten]] tan ni: lawa pi ma Juke li ike tawa ona. ma Mewika li anpa e kulupu utala pi ma Piten li weka e lawa ona. taso, ma Juke li lanpan e ma sin. ona li kama lawa e ma lon [[ma Apika]] en [[ma Asija]] en [[ma Osejanija]]. tenpo la, ma Juke li kama e wawa nanpa wan.

ma suli Piten li pana e [[toki Inli]] e [[nasin jan]] pi ma Piten tawa ma mute mute.

==ma pi ma lawa suli Piten==
tenpo pini la, kipisi anu ali pi [[ma lawa]] pi tenpo ni li lon ma lawa suli Piten:

*[[ma Juke]]
*[[ma Ele]]
*[[ma Mewika]]
*[[ma Kanata]]
*[[ma Palata]]
*[[ma Pakisan]]
*[[ma Panla]]
*[[ma Mijama]]
*[[ma Oselija]]
*[[ma Nusilan]]
*[[ma Malasija]]
*[[ma Sinkapula|ma Sinkapo]]
*[[ma Sameka]]
*[[ma Pajama]]
*[[ma Sinita en ma Topeko]]
*[[ma Masu]]
*[[ma Sutan]]
*[[ma Somalija]]
*[[ma Kenja]]
*[[ma Tansanija]]
*[[ma Naselija]]
*[[ma Kana]]
*[[ma Sanpija]]
*[[ma Sinpapuwe]]
*[[ma Setapika]]
*[[ma Posuwana]]
*[[ma Namipija]]
*[[ma Lesoto]]
*[[ma Sawasi]]
*[[ma Ilakija]]
*[[ma Isale]] en [[ma Pilisin]]
*[[ma Jamanija]]
*[[ma Uman]]
*[[ma Imala]]

{{lili ike}}
[[kulupu:ma Juke]]
[[kulupu:ma pi tenpo pini]]