ma pi kasi suli

tan lipu Wikipesija
Revision as of 2022-04-18T08:34:24 by Jolan (toki | ante)
Jump to navigation Jump to search
ma pi kasi suli

ma pi kasi suli li kasi suli mute lon ma sama. ma ni li jo e kasi mute e soweli mute.

pona

ma pi kasi suli li pana e pona tan ni:

  • ona li pana e kon pona e kili e moku e tomo tawa soweli mute.
  • ona li pona e ma. kon suli li ken ala tawa weka e ma.
  • ona li pana e kiwen kasi . jan li ken pali e ijo e tomo e lipu tan kiwen ni. kin la jan li ken seli e ona li pana e seli tawa sijelo ona li ken seli pona e moku.
  • ona li pona tawa lukin jan.
  • ona li awen e telo lon ma.

weka

tenpo ni la jan ike li anpa e kasi suli anu seli e ona tan ni: jan li wile e kiwen kasi e ma. ona li wile suli e ma tomo ona anu pali e kasi ante lon ma ni.