ma tomo Nujo

ma tomo Nujo (toki Inli New York City, anu New York taso) li lon ma Mewika. ona li suli mute. ma Mewika la, ma tomo ante li jo e jan pi mute lili. ma tomo Nujo li jo e jan pi mute suli. mute ni li 8,336,817 tan sona pi tenpo sike nanpa 2019(anu la, ona li ante lili lon tenpo ni). jan pi ma tomo Nujo li lon poka mute. ma ante la, ona li lon ante. tomo suli palisa pi jan mute li lon ma tomo Nujo. ona li lon ma Nujo suli.

ma kipisi luka li lon ma tomo Nujo: ma kipisi Pan (toki Inli the Bronx), ma kipisi Kuwin (toki Inli Queens), ma kipisi Pukilin (toki Inli Brooklyn), ma kipisi Manakata (toki Inli Manhattan), ma kipisi Saten (toki Inli Staten Island).

tan nimi

nimi Nujo li tan jan lawa pi ma Joko (toki Inli the Duke of York).

tenpo pini

tenpo pini mute la, kulupu mute li lon. ona li tan ma ni. ona li tan kulupu kulupu Akonkin. jan mute tan ma Elopa li kama. jan tan ma Netelan li kama lawa e ma tomo Nujo. nimi pi ma tomo Nujo li ma tomo Nuwanpatan. jan tan ma Inli li kama jo e lawa tan jan Netelan li ante e nimi.

jan mute li kama tawa ma Mewika tan ma Elopa. ona li kama sin tawa ma tomo Nujo. jan kama li tawa ma lili Eli (toki Inli Elis Island). ni la, jan mute lon ma Mewika li jo e sona pi ma lili ni.