ma tomo Polan

ma tomo Polan li lon lete pi ma Owekan. toki Inli la, nimi li Portland. ma tomo Polan li suli. ma tomo ante ali pi ma Owekan li lili. ma tomo Polan li lon poka telo tawa Wilame li lon poka telo tawa Kalanpija. telo tawa li suli mute. ilo tawa telo suli li ken kama tawa ma tomo Polan tan telo suli Pasipi lon telo tawa Wilame. telo suli Pasipi li lon weka ma tomo Polan.

Portland and Mt. Hood from Pittock Mansion.jpg

nena li lon poka ma tomo Polan. ma kasi suli li lon nena. jan li jo e mani mute li pali e tomo lon nena. sina tawa nena lon poka ma tomo Polan la, sina ken lukin e ma tomo e tomo suli e telo tawa.

tomo suli li lon ma tomo Polan.

nena Tepa li nena ante lon ma Polan. tenpo pini mute la, lupa li pana e telo seli seli pi kiwen. telo seli seli li kama kiwen li pali e nena Tepa.