mani

mani lipu tan ma mute

mani li ilo esun. esun la, jan ale li pilin e ni: mani li pona. ni la, jan ken pana e mani, li kama jo e ijo ante tan mani ni. ale li pona.

jan mute li kepeken e soweli mani

mani lon nasin jan

jan mute la, mani li ken ike. nasin mani la, jan mute ala li jo e mani mute. jan ante li jo e mani lili. jan pi mani mute li ken pali e mani sin tan ni: ona li jo e ilo. jan ante li jo e ilo ala. taso, ona li wile e moku e tomo. ona li wile pali kepeken ilo tan ni. kepeken ilo la, ona li pana e mani mute tawa jan pi mani mute. taso, jan pi mani mute li pana e mani lili tawa jan ante mute. ni la, nasin mani li awen.

soweli mani

lipu pu la, nimi mani li ken soweli suli, tan ni: tenpo pini la, jan li esun kepeken soweli suli sama mani.