mun

tan lipu Wikipesija
Jump to navigation Jump to search
mun mute
mun poka pi ma mi

mun li ijo pi sewi pimeja. mun ante mute li lon.

tenpo suli pini la, kulupu jan li ken lukin e mun mute. tan ni la, jan mute li kama sona e mun e tawa mun. sona ni li suli tawa jan tan ni: jan pi sona mun li ken sona e tenpo pi sike suno e tenpo telo e tenpo pi telo ala. tenpo pini la jan mute li kama sona e tenpo kama kepeken mun.

mun seli[o ante | o ante e toki ilo]

mun seli li pana e seli e wawa suno. insa pi mun seli la seli wawa li kama. wan ijo Atomo li ante mute, li pana e wawa mute tawa ale.

suno mi li mun seli. ona li pana e seli e suno tawa ma mi.

mun seli li ken suli li ken lili. taso, mun pi seli ala la, mun seli ale li suli.

mun suli pi seli ala[o ante | o ante e toki ilo]

mun ni li pana ala e wawa seli. nasin tawa ona la ona li ken tawa sike lon mun seli li ken tawa sike lon mun ante li ken tawa sike ala.

mun li tawa sike lon mun ante la mun nanpa wan li kama mun pi mun nanpa tu. suno mi li jo e mun suli mute e mun lili pi mute suli:

  1. mun Mekuliju
  2. mun Wenu
  3. ma mi
  4. mun Masi
  5. mun Jupite
  6. mun Satunu
  7. mun Ulanu
  8. mun Netunu

mun li ken jo e mun lili ona. ma mi li jo e mun wan. mun ni li mun Luna. mun Masi li jo e mun tu.

mun ilo[o ante | o ante e toki ilo]

sin la jan li pana e ilo tawa sewi lon tenpo pini. ilo ni li tawa sike lon ma mi anu mun ante. mun ilo ni li ilo mun.

mun ilo li pana e sona mute tawa jan, sona ni li sona ma li sona mun li sona pi ilo toki li sona ante. ante la, mun ilo li pana e sona utala li pana e sona toki tan jan wan tawa jan ante mute.