mun Enkelatu

tan lipu Wikipesija
Revision as of 2021-05-25T15:25:40 by Tekinowi (toki | ante) (mi pali e lipu ni)
(ante) ← Older revision | Latest revision (ante) | Newer revision → (ante)
Jump to navigation Jump to search
sitelen pi mun Enkelatu.
sitelen pi nena pi pana telo lon mun Enkelatu

mun Enkelatu (toki Elena majuna: Ἐγκέλαδος) li mun li sike e mun Satunu. suli pi mun pi mun Satunu la, ona li nanpa 6. selo ona li kiwen telo lete. tan kiwen telo lete ni la, ona li walo lukin. selo la, nena pi pana telo li lon. telo ni li kama tan telo suli lon insa mun. telo li ken lon insa tan ni: insa mun li tawa mute li pali e seli. tan telo ni la, jan sona li pilin e ni: ken la, ijo lili pi ken moli li lon telo ni.

suli pi mun ni li sama linja Metu 500 000. tenpo sike 1789 la, jan Wilijan Ese li kama sona e mun Enkelatu. nimi pi mun Enkelatu li sama jan tan nasin sewi Elena.

ilo pi mun Enkelatu

tenpo sike 1980 en tenpo sike 1981 la, ilo Pojate (toki Inli: Voyager) tu li ilo nanpa wan pi mun Enkelatu. ona li tawa weka la, ona li sitelen e mun ni. taso, sitelen li lili mute la, sona mute li kama ala.

tenpo sike 2004 la, ilo Kasini (toki Inli: Cassini) li kama sike e mun Satunu. ilo ni li lukin e mun Enkelatu mute. mute la, ilo Kasini li tawa poka e mun ni. ilo Kasini li sitelen e mun Enkelatu, li kama sona e telo pi nena pana telo, e telo lon insa pi mun ni.