musi

tan lipu Wikipesija
Jump to navigation Jump to search
Merge-arrows.svg jan li wile e ni: lipu ni en lipu "musi sewi" li kama wan. (o toki).
nimi musi kepeken sitelen pona

jan la, musi li lon. ona li suli tawa jan, li suli tawa kulupu. musi li ken pilin pona, li ken tenpo pona, li ken pali jan. pali la, nasin musi mute li lon: musi lukin (pali tomo en pali pi kiwen ma en sitelen kule en sitelen tawa en sitelen ilo en sitelen kiwen en ante) en lipu musi (toki pi tenpo ala en toki pi ike jan en musi toki en toki suli en ante) en musi pana (tawa musi en musi kalama en toki pali tawa en ante) en moku musi (seli moku en suwi pali en pali pi telo nasa kasi en ante) en ante.

pali[o ante | o ante e toki ilo]

jan li pali e musi.

musi lukin[o ante | o ante e toki ilo]

musi lukin la, jan li lukin e musi.

pali tomo[o ante | o ante e toki ilo]

tomo Patenon lon sewi pi tomo tenpo Akopoli lon ma tomo Asina lon ma Elena

jan li wile e tomo sin la, ona li kepeken nasin pi pali tomo, li kepeken musi pi pali tomo, li kepeken sona pi pali tomo. pali ni li ken suli sama pali pi ma tomo, li ken lili sama supa pi insa tomo. jan sona pi pali tomo o sona e ken e mani tawa jan pali. ona o sona e pali pona e lukin pona tawa jan pi insa tomo.

pali pi kiwen ma[o ante | o ante e toki ilo]

poki kiwen Jun pi ma Sonko li laso, li loje laso lili. ona li tan tenpo Jin (tenpo sike 1127-1234)

pali pi kiwen ma li kepeken kiwen poki tan ma. jan li sijelo e kiwen, li seli e kiwen la, pali pi kiwen ma li lon. pali pi nasin mute li ken. poki en kiwen sinpin en kiwen jan en kiwen moku li ken musi taso, li ken tawa pali esun, li ken pona tawa lukin, li ken musi suli. pali pi kiwen ma li ken awen lon tenpo la, ona li suli tawa jan pi sona pi tenpo pini.

pali pi kon lawa[o ante | o ante e toki ilo]

pali pi kon lawa la, ijo pali li suli ala. nasin pali li suli mute. musi li kama tan insa pi lawa jan, li ijo taso ala. jan musi li pali e nasin, li pana e nasin lon lipu. jan ante li sona e nasin la, ona kin li ken pali e musi ni.

sitelen pi kule linja[o ante | o ante e toki ilo]

jan li pali e sitelen sama ijo lon lipu kepeken ilo sitelen, kepeken kule wan taso kepeken linja taso.

sitelen kule[o ante | o ante e toki ilo]

sitelen pi jan Mona Lisa li tan jan Lejonato pi ma Winsi

jan li pali e sitelen sama ijo lon lipu kepeken ko kule anu telo kule.

sitelen ilo[o ante | o ante e toki ilo]

sitelen ilo li sitelen pi ijo lon. sitelen ni li kepeken e nasin ilo sama pi sitelen tawa. jan li open e ilo ni la, sitelen sin li kama sama ijo lon lipu sin tan ilo.

kiwen sijelo[o ante | o ante e toki ilo]

kiwen la, jan musi li ken pakala e ona tawa sijelo, li ken nasin e ona tawa nasin ante.

musi lipu[o ante | o ante e toki ilo]

ℹ️ lipu suli: toki musi

jan li pana e toki kepeken nimi, kepeken lipu, kepeken sitelen toki. ken la, toki ni li kepeken kalama uta kin.

musi pana[o ante | o ante e toki ilo]

musi ni la, tawa jan en pali jan li suli. jan ante li lukin e jan musi e pali pi jan musi tan musi.

tawa musi[o ante | o ante e toki ilo]

jan li tawa e sijelo ona. ni li ken lon musi kalama, li ken lon kulupu pi tawa sama, li ken pana e pilin, li ken tawa sama ijo ante. nasin mute li lon. taso sijelo li tawa.

musi kalama[o ante | o ante e toki ilo]

kalama (en kalama ala) li kepeken tenpo, li ante, li kule e kon tawa kute.

toki pali tawa[o ante | o ante e toki ilo]

jan musi pali li pana e toki tawa kulupu kepeken tawa, kepeken toki wawa, kepeken musi kalama, kepeken ijo.

musi ante[o ante | o ante e toki ilo]

nasin jan li nasin mute. ni la, musi mute li lon, li ken mute tawa nasin.

musi moku[o ante | o ante e toki ilo]

jan pi sona moku li pali e moku la, ni li ken musi kin. moku li ken pona tawa lukin, li ken pona tawa uta.

ijo pi nasa ala[o ante | o ante e toki ilo]

jan li kepeken ijo, li kepeken ilo lon tenpo ale la, ijo ni en ilo ni li ken kama musi kin. ken la, jan musi li ken pona e ona tawa musi. taso mute la, ona li awen pona tan sin. sama la, ona li ken pona tawa insa lawa taso pi kepeken ala.

musi kulupu[o ante | o ante e toki ilo]

supa musi pi ma Masu pi tenpo pini suli li tan mani pi jan lawa Tutankamun pi tenpo pini suli

jan li kama kulupu la, ona li kepeken ijo musi, li kepeken ilo musi tawa pilin pona, tawa wawa, tawa tenpo, tawa pali ala, tawa kama sona. jan li wan taso la, sama li ken.

wawa musi[o ante | o ante e toki ilo]

"o wawa e linja" - musi ni li musi kulupu kepeken ijo pi mute ala taso, li ken lon tenpo ale

jan li tawa e sijelo ona tawa wawa la, ni li ken kepeken nasin musi lon kulupu. musi wawa suli la, kulupu suli lukin li lukin e kulupu musi pali lon tenpo musi. kulupu lukin li wile sona e ni: utala la, jan seme li kama jan nanpa wan?

musi supa[o ante | o ante e toki ilo]

jan li tawa e kiwen lili e lipu lili lon supa, li alasa e pini pona musi.

musi toki tawa[o ante | o ante e toki ilo]

jan li musi e toki lon kulupu la, ona li pali sama jan ante, li len e sijelo sama jan ante, li toki sama jan ante.

musi pi kulupu esun[o ante | o ante e toki ilo]

esun li wile e kulupu pali pona la, ona li pana e kulupu tawa musi pi pona kulupu. ni la, jan li kama sona e nasin pi kulupu pali pona.

musi pi kama sona[o ante | o ante e toki ilo]

musi li pona tawa jan. ni la, ona li kama sona mute kepeken musi. musi li ken sama pali esun, li ken sama ilo lon, li ken sama jan ante la, jan li pilin pona, li kama sona kin.

musi ilo pi sitelen tawa[o ante | o ante e toki ilo]

ilo sona la, jan li ken lukin e toki, li ken lawa e ijo tawa, li ken alasa e nasin mute.

o lukin kin[o ante | o ante e toki ilo]