sina ante e lipu "musi Amanka"

[[sitelen:Among Us.png|thumb|sitelen musi lawa pi musi Amanka]]
{{nimi ijo|'''musi Amanka'''|Among Us|toki Inli|lon poka mi}} li [[musi ilo]] pi jan mute kepeken [[linluwi]]. musi ni la, jan li pali lon tomo tawa pi [[sewi mun]] (anu ma ante). taso, jan wan (anu mute) li jan [[nimi:powe|powe]], li wile moli e jan pali.

{{nimi ijo|kulupu Inaso|Innersloth|toki Inli|soweli lape insa}} li pali e ona, li pana e ona tawa jan ale lon {{suno|2018-06-15}}. taso, tenpo open la, jan mute li sona ala e ona. tenpo sike 2020 la, jan mute pi pali pi sitelen tawa musi li musi e ona, li pana e sitelen tawa. kin la, jan mute li wile musi linluwi lon "poka" pi jan ante, tan [[jaki Kolona nanpa 19]]. ni la, jan mute li kama sona e ona.

== nasin musi ==
[[sitelen:Lipu tenpo nanpa akesi - musi Amanka.svg|thumb|250px|sitelen musi pi jan tan musi Amanka kepeken [[sitelen pona]].]]
musi ale li sama ni:

=== open musi ===

musi li open. tan ilo la, jan li kama {{nimi ijo|''jan powe''|Impostor|toki Inli}}. (ilo li toki e ni tawa jan pi mute lili: "sina jan powe". ni li ken jan wan, li ken jan tu, li ken jan tu wan, tan wile pi jan lawa.) jan ale ante li {{nimi ijo|''jan pona''|Crewmate|toki Inli|jan pali}}. ''jan powe'' en ''jan pona'' li sama lukin: ''jan pona'' li lukin la, ona li ante ala; taso, ''jan powe'' li sona e ''jan powe'' ante. ''jan pona'' li wile sona e ni: ''jan powe'' li seme?

ma tu tu li ken lon. {{nimi ijo|''tomo Ketu''|The Skeld}} li tomo tawa lon sewi pimeja. {{nimi ijo|''tomo lawa Mila''|MIRA HQ|toki Inli|tomo lawa pi kulupu pali ''MIRA''}} li tomo lon kon sewi. {{nimi ijo|''tomo Polu''|Polus}} li tomo pi kama sona lon ma sike ante. {{nimi ijo|''tomo tawa sewi''|The Airship}} li tomo tawa lon kon sewi.

open musi la, jan ale li kama lon ma wan.

=== musi ===

''jan pona'' ale li jo e lipu pali. ona la, ijo pali li lon. ''jan pona'' li wile pali e ''ijo pali'' ale lon lipu ona. ona li pini pali e ijo la, ijo li weka tan lipu. ''jan pona'' ale li pini pali e ijo ona la, musi li pini. ''jan pona'' li kama nanpa wan.

''jan powe'' li wile moli e ''jan pona''. ''jan powe'' li moli e ''jan pona'' la, ilo li wile e ni: ona li awen lon [[kulupu wan Si|tenpo Sekon]] mute. ''jan powe'' li wile moli e ''jan pona'' tawa ni: mute pi ''jan pona'' li sama mute pi ''jan powe''. ni li lon la, musi li pini. ''jan powe'' li kama nanpa wan.

''jan powe'' li jo e lipu pali powe. ni la, ona li wile powe tawa ante la, ona li ken pali powe. ''jan powe'' li ken pakala e pali pi ''jan pona'' sama ni: ona li ken pake e lupa tan open; ona li ken pakala e ilo kon; ona li ken pakala e ilo suno. ona li pakala sama ni la, ''jan pona'' li wile pona e pakala ona.

''jan powe'' li ken tawa lon ilo pi pana kon tawa nasin pi tawa kon. lon nasin ni la, ona li ken tawa tomo ante sama ni: ''jan pona'' li ken ala lukin e tawa ona.

''jan pona'' li moli la, sijelo moli ona li awen lon anpa. ''jan pona'' ante li lukin e ona la, ona li ken open e ''toki pi jan ale''. taso, kon pi jan moli li awen lon, li kama ''jan kon''. ''jan kon'' li ken pini e pali lon lipu pali. taso, ona li ken ala toki tawa jan ante: ona li ken toki tawa jan kon ante taso. ona li ken ala toki e wile weka ona lon ''toki pi jan ale''. tenpo ale la, ona li ken toki tawa ''jan kon'' ale ante.

tomo wan lon ma la, nena li lon. jan li pilin e nena ni la, ona li open e ''toki pi jan ale''.

=== toki pi jan ale ===

''toki pi jan ale'' li lon la, ''jan pona'' ale en ''jan powe'' ale li kama lon tomo open, li toki tawa ona sama. ''jan pona'' li wile sona e ni: jan seme li powe? ona li ken toki sitelen tawa ona ante e ijo pini, e wile ona. jan li ken toki e ni: "jan ni li powe". mute pi jan ale li toki e ni la, jan pi pilin ona li weka tan tomo, li moli. ''jan powe'' ale li weka la, musi li pini. ''jan pona'' li kama nanpa wan.

=== ijo pali ===

ijo pali pi ''jan pona'' li ken sama ni:

* linja wawa li pakala. jan li wile pona e ona.
* jaki li lon ilo pi pona kon. jan li wile weka e ona.
* ilo sona li jo e sona. jan li wile pana e sona ni tawa ilo ante.

=== ante musi ===

jan lawa musi li ken ante e ni:

* pali ni li lon ala lon: jan li ken lukin e pali ona? jan powe li ken ala pali; ni la, jan li ken lukin e jan powe.
* ''jan powe'' seme li lon? (wan, tu, tu wan)
* ''jan pona'' en ''jan pona'' li ken lukin e ma pi mute seme?
* jan li tawa kepeken wawa pi mute seme? (ona li ken tawa kepeken wawa lili taso la, tawa li wile e tenpo mute)
* ante.

== lukin kin ==

* [[wikisource:Page:Lipu_tenpo_issue_01_-_nanpa_akesi.pdf/10|lipu tenpo nanpa wan - nanpa akesi: mi la, musi Amanka li pona mute]]

[[kulupu:musi ilo]]
{{DEFAULTSORT:Amanka}}