musi Amanka

sitelen musi lawa pi musi Amanka

musi Amanka (toki Inli: Among Us, "lon poka mi") li musi ilo pi jan mute kepeken linluwi. musi ni la, jan li pali lon tomo tawa pi sewi mun (anu ma ante). taso, jan wan (anu mute) li jan powe, li wile moli e jan pali.

kulupu Inaso (toki Inli: Innersloth, "soweli lape insa") li pali e ona, li pana e ona tawa jan ale lon sike suno nanpa 2018 pi sike mun nanpa 6 pi sike nanpa 15. taso, tenpo open la, jan mute li sona ala e ona. tenpo sike 2020 la, jan mute pi pali pi sitelen tawa musi li musi e ona, li pana e sitelen tawa. kin la, jan mute li wile musi linluwi lon "poka" pi jan ante, tan jaki Kolona nanpa 19. ni la, jan mute li kama sona e ona.

nasin musio ante

 
sitelen musi pi jan tan musi Amanka kepeken sitelen pona.

musi ale li sama ni:

open musio ante

musi li open. tan ilo la, jan li kama jan powe (toki Inli: Impostor). (ilo li toki e ni tawa jan pi mute lili: "sina jan powe". ni li ken jan wan, li ken jan tu, li ken jan tu wan, tan wile pi jan lawa.) jan ale ante li jan pona (toki Inli: Crewmate, "jan pali"). jan powe en jan pona li sama lukin: jan pona li lukin la, ona li ante ala; taso, jan powe li sona e jan powe ante. jan pona li wile sona e ni: jan powe li seme?

ma tu tu li ken lon. tomo Ketu (The Skeld) li tomo tawa lon sewi pimeja. tomo lawa Mila (toki Inli: MIRA HQ, "tomo lawa pi kulupu pali MIRA") li tomo lon kon sewi. tomo Polu (Polus) li tomo pi kama sona lon ma sike ante. tomo tawa sewi (The Airship) li tomo tawa lon kon sewi.

open musi la, jan ale li kama lon ma wan.

musio ante

jan pona ale li jo e lipu pali. ona la, ijo pali li lon. jan pona li wile pali e ijo pali ale lon lipu ona. ona li pini pali e ijo la, ijo li weka tan lipu. jan pona ale li pini pali e ijo ona la, musi li pini. jan pona li kama nanpa wan.

jan powe li wile moli e jan pona. jan powe li moli e jan pona la, ilo li wile e ni: ona li awen lon tenpo Sekon mute. jan powe li wile moli e jan pona tawa ni: mute pi jan pona li sama mute pi jan powe. ni li lon la, musi li pini. jan powe li kama nanpa wan.

jan powe li jo e lipu pali powe. ni la, ona li wile powe tawa ante la, ona li ken pali powe. jan powe li ken pakala e pali pi jan pona sama ni: ona li ken pake e lupa tan open; ona li ken pakala e ilo kon; ona li ken pakala e ilo suno. ona li pakala sama ni la, jan pona li wile pona e pakala ona.

jan powe li ken tawa lon ilo pi pana kon tawa nasin pi tawa kon. lon nasin ni la, ona li ken tawa tomo ante sama ni: jan pona li ken ala lukin e tawa ona.

jan pona li moli la, sijelo moli ona li awen lon anpa. jan pona ante li lukin e ona la, ona li ken open e toki pi jan ale. taso, kon pi jan moli li awen lon, li kama jan kon. jan kon li ken pini e pali lon lipu pali. taso, ona li ken ala toki tawa jan ante: ona li ken toki tawa jan kon ante taso. ona li ken ala toki e wile weka ona lon toki pi jan ale. tenpo ale la, ona li ken toki tawa jan kon ale ante.

tomo wan lon ma la, nena li lon. jan li pilin e nena ni la, ona li open e toki pi jan ale.

toki pi jan aleo ante

toki pi jan ale li lon la, jan pona ale en jan powe ale li kama lon tomo open, li toki tawa ona sama. jan pona li wile sona e ni: jan seme li powe? ona li ken toki sitelen tawa ona ante e ijo pini, e wile ona. jan li ken toki e ni: "jan ni li powe". mute pi jan ale li toki e ni la, jan pi pilin ona li weka tan tomo, li moli. jan powe ale li weka la, musi li pini. jan pona li kama nanpa wan.

ijo palio ante

ijo pali pi jan pona li ken sama ni:

  • linja wawa li pakala. jan li wile pona e ona.
  • jaki li lon ilo pi pona kon. jan li wile weka e ona.
  • ilo sona li jo e sona. jan li wile pana e sona ni tawa ilo ante.

ante musio ante

jan lawa musi li ken ante e ni:

  • pali ni li lon ala lon: jan li ken lukin e pali ona? jan powe li ken ala pali; ni la, jan li ken lukin e jan powe.
  • jan powe seme li lon? (wan, tu, tu wan)
  • jan pona en jan powe li ken lukin e ma pi mute seme?
  • jan li tawa kepeken wawa pi mute seme? (ona li ken tawa kepeken wawa lili taso la, tawa li wile e tenpo mute)
  • ante.