musi Kiwen Lipu Kipisi

tan lipu Wikipesija
Jump to navigation Jump to search
ike la lipu ni li lili. sina wile pona e ona la sina ken suli e ona.

musi Kiwen Lipu Kipisi li musi pi jan tu. ona li kepeken ken taso; jan li ken ala musi pona e ona. nimi ante pi musi ni li Losanpo (toki Inli: Roshambo), li Sankenpon (toki Nijon: じゃんけんぽん/jankenpon).

nasin musi[o ante | o ante e toki ilo]

jan musi li toki e wan pi nimi musi lon tenpo sama. tenpo pi wan nanpa tu wan la, ona li pana e sijelo lon tenpo sama kepeken luka ona. sijelo ni li ken:

  • SssStein.jpg kiwen - palisa luka ale li lon insa luka
  • SssPapier.jpg lipu - palisa ale li lon ala insa luka, li lon poka pi ona sama
  • SssSchere.jpg (ilo) kipisi - palisa pi suli poka li nanpa wan la, palisa nanpa tu en palisa nanpa tu wan taso li lon ala insa luka

sijelo li sama la, jan ala li sewi; jan tu o musi sin. sijelo li ante la, ona li utala kepeken nasin ni:

  • lipu li len e kiwen (li sewi tawa kiwen)
  • ilo kipisi li kipisi e lipu
  • kiwen li pakala e ilo kipisi

jan pi sijelo sewi li sewi, anu li kama jo e nanpa pona.

sijelo ale li sewi tawa sijelo wan, li anpa tawa sijelo ante. ni la, sijelo ala li pona nanpa wan.

sona namako[o ante | o ante e toki ilo]

  • nasin utala ni li lon musi ante kin. musi Pokemon la, wawa seli li pakala pona e soweli kasi, taso wawa kasi li pakala pona e soweli telo, taso wawa telo li pakala pona e soweli seli.