musi Pokemon

lipu ni li wile e pali. sina ken pona e ona.

musi Poketo Monsa (toki Nijon: ポケットモンスター, "monsuta poki") anu musi Pokemon (toki Nijon: ポケモン) li musi mute pi kulupu Pokemon. ona li musi ilo, li musi sitelen, li musi lipu. musi sitelen la sitelen tawa en sitelen pi tawa ala li lon. musi ni la jan li kama jo e soweli. jan li utala e jan ante kepeken soweli. soweli mute a li lon. jan mute li musi Pokemon. musi Pokemon li musi nanpa wan lon mute pi jan musi.

musi ilo

musi ilo Pokemon li tan kulupu Kemupuliku. kulupu Nintento li pana e musi. musi Pokemon Aka en musi Pokemon Mitoli li open pi musi Pokemon. ona li kama lon ma Nijon lon tenpo sike nanpa 1996. ona li lon ilo musi Kemupo. jan mute li esun e musi ni la, kulupu li pana e musi tawa ma ante li open e pali pi musi ante mute.

musi ilo Pokemon mute la sina wile kama jan soweli nanpa wan. ni la, sina o wawa e soweli sina o utala e jan soweli ante kepeken soweli sina. tenpo mute la, jan ike li lon kin. sina o utala e ona o weka e ike. soweli ale li jo e kule wan anu kule tu. utala pi soweli ale li jo e kule wan. kule ni li pali e ni: ona li utala e soweli ante la kule utala li ken ike tawa kule soweli anu ken pona tawa kule soweli anu ken ala tawa kule soweli. ona li ike la, wawa ona li kama lili. ona li pona la, wawa ona li kama suli. ona li ala la, wawa li ante ala. musi ilo Pokemon pi nasin ni li suli mute.

nasin

kulupu li pana e musi Pokemon sin la, ona li pana e musi tu. mute la musi ni li sama. taso ijo lili li ante. soweli en jan li ken lon ala musi wan li ken lon musi ante. tenpo pini la, ona li pana e musi tu la, ona li pana e musi sin lon tenpo kama lili. ona li pona li sin e ijo pi musi tu pini lon musi sin. ona li jo e ijo ale pi musi tu pini. tenpo lon la nasin li ante lili. ona li pana ala e musi sin. taso ona li pana e ijo sin. jan li ken esun e ijo sin. ona li esun la, ijo sin li kama lon musi ona.

kin la, ona li pona li sin e musi pi tenpo pini li pana e musi sin ni.

jan li pana e musi Pokemon ale tawa kulupu. musi tu en musi sin en musi pi tenpo pini li lon kulupu nanpa sama. musi tu li lon open pi kulupu nanpa sin.

musi suli ale

nanpa	musi tu open	sin	musi sin pi tenpo pini
wan	musi Pokemon Aka en musi Pokemon Mitoli	musi Pokemon Pikasu
tu	musi Pokemon Kin en musi Pokemon Pin	musi Pokemon Kulisalupason
tu wan	musi Pokemon Lupi en musi Pokemon Sapaja	musi Pokemon Emelaluto	musi Pokemon Pajaleto en musi Pokemon Lipukulin
tu tu	musi Pokemon Tajamonto en musi Pokemon Palu	musi Pokemon Pulasina	musi Pokemon Atukoluso en musi Pokemon Solusilupa
luka	musi Pokemon Pulaku en musi Pokemon Owato	musi Pokemon Pulaku Tu en musi Pokemon Owato Tu
luka wan	musi Pokemon Ekusu en musi Pokemon Wa		musi Pokemon Omekalupi en musi Pokemon Alupasapaja
luka tu	musi Pokemon San en musi Pokemon Mun	musi Pokemon Ulutolasan en musi Pokemon Ulotolamun	musi Pokemon Leko Pikasu en musi Pokemon Leko Ipu
luka tu wan	musi Pokemon Soto en musi Pokemon Siluto	musi Pokemon Soto Siluto Jolo No Koto en musi Pokemon Soto Siluto Kanuli No Setuken	musi Pokemon Pilijantotajaman en musi Pokemon Saninkupalumusi Pokemon Leken Alusesu
luka tu tu	musi Pokemon Saleto en musi Pokemon Pajoleto	musi Pokemon Saleto Pajoleto Selo No Ijo	musi Pokemon Leken Setoje

musi sitelen