musi pi jan Malijo

tan lipu Wikipesija
Revision as of 2021-11-23T20:31:16 by Ne (toki | ante) (Ne moved page jan Malijo to musi pi jan Malijo)
Jump to navigation Jump to search
sitelen pi jan Malijo lon len lawa ona

musi pi jan Malijo li musi ilo pi kulupu musi Nintento tan jan Mijamoto Sikelu. jan Malijo li jan musi pi suli nanpa wan.

musi

sitelen musi pi jan sama wawa Malijo

musi pi jan sama wawa Malijo li open pi kulupu musi. musi la jan Malijo li tawa lon ma lawa kili li pakala e ijo ike li awen e meli lawa Pisi tan akesi ike Kupa (akesi Pasa lon toki Inli).

jan Malijo li ken tawa sewi kepeken noka ona. jan Malijo li tawa anpa lon lawa monsuta la jan Malijo li ken moli e ona. monsuta ni li kili Kulipo (kili Kunpa lon toki Inli) li akesi Nokonoko (akesi utala Kupatupa lon toki Inli) li monsuta mute ante. jan Malijo li kama jo e wawa ante la jan Malijo li ken moku e ijo wawa ante. jan Malijo li moku e kili la jan Malijo li kama suli. jan Malijo li moku e kasi kule seli la ona li ken pana e sike seli. jan Malijo li moku e mun la ijo li ken ala pakala e jan Malijo.

jan

jan Malijo li jan pali pi ma Italija. jan pi mama sama pi jan Malijo li jan Luwisi. tenpo nanpa wan la jan Mijamoto Sikelu li pali e jan Malijo lon musi Tonki Kon. nimi nanpa wan ona li 'jan Sanpuman' (mije pi tawa sewi). jan Mijamoto li ante e nimi ona lon musi nanpa wan pi jan sama wawa Malijo. tenpo ni la jan Malijo li lon musi ilo mute.