nanpa toki ISO

tan lipu Wikipesija
Jump to navigation Jump to search

kulupu "ISO" li pali e lipu nanpa mute ni: ona li pana e nimi lili tawa toki.

nanpa ISO 639-1[o ante | o ante e toki ilo]

nanpa ISO 639-1 li toki e toki suli pi ma ante, e toki sin suli.

nanpa ISO 639-1 li jo e sitelen Lasina tu. ona li toki ala e ante lili toki.

nanpa ISO 639-2[o ante | o ante e toki ilo]

nanpa ISO 639-2 li suli e mute toki.

nanpa ISO 639-2 li jo e sitelen Lasina tu wan. ona li toki ala e ante lili toki.

nanpa ISO 639-3[o ante | o ante e toki ilo]

nanpa ISO 639-3 li suli mute e mute toki.

nanpa ISO 639-3 mute li kama tan nanpa ISO 639-2 "alpha-3". taso, nanpa ISO 639-2 "alpha-3" li toki e toki ni taso: kulupu jan li lon e ona.

sin la, nanpa ISO 639-3 li toki e toki sin, e toki moli. toki mute li kama tan toki wan la, nanpa ISO 639-2 li toki e nimi wan. nanpa ISO 639-3 li toki e nimi mute.

nanpa ISO 639-3 li jo e sitelen Lasina tu wan. ma wan li toki e toki wan pi ante suli mute la, nanpa ISO 639-3 li toki e ona ale.

ante pi nanpa ante[o ante | o ante e toki ilo]

nanpa ISO 639-1 en nanpa ISO 639-2 la, toki Sonko li toki wan (639-1: "zh", 639-2: "zho"). nanpa ISO 639-3 la, ante 16 pi toki Sonko li jo e nimi ona. sin la, toki Sonko pi tenpo pini li jo e nimi ante ona. toki Sonko pi ma tomo Pesin (北京市) li "cmn". toki Sonko pi ma tomo Onkon (香港) li "yue".

toki Alapi la, ante sama li lon: nanpa ISO 639-1 en nanpa ISO 639-2 li pana e nimi "ara" tawa toki Alapi. taso, ma ante la, toki Alapi li ante. nanpa ISO 639-3 la, ante 29 pi toki Alapi li jo e nimi ona.

nanpa toki ISO en toki pona[o ante | o ante e toki ilo]

tenpo pini lilli la, toki pona li kama jo e nanpa ISO 639-3 "tok".

nimi nasin sin[o ante | o ante e toki ilo]

tan lipu Wikipedia: