nasin mani

tan Wikipesija
Revision as of 2021-11-01T09:59:13 by Jolan (toki | ante)
o tawa poki nasin o tawa alasa

nasin mani (toki Inli: capitalism) li nasin esun suli, li nasin pali suli. nasin mani la, jan esun en kulupu esun li jo e ijo, e ilo pali, e tomo pali, e ma. kama jo e ijo la, jan li wile kepeken mani. jan li pali tawa ni: ona li wile jo e mani, e ijo pi suli mani suli.

ma pi nasin mani la, mani en ijo li suli tawa kulupu lawa. jan li jo e tomo la, kulupu lawa li ken ala weka e tomo tan ona, li ken ala pana e tomo tawa jan ante. (lon la, nasin lawa li ken pana e wawa ni tawa kulupu lawa.)

nasin mani pi tenpo ni li kama lon e tenpo pi ante ilo suli. tenpo ni la, ma mute li ma pi nasin mani.

jan pi toki utala li toki e ijo ni: nasin mani la, jan pi mani mute li jo e wawa mute. jan pi mani lili li jo e wawa lili. jan pi mani mute li ken ante mute e nasin esun, li ken ike tawa jan pi mani lili. jan pi pilin ike tawa nasin mani li open e nasin pi pali kulupu.

ike la lipu ni li lili. sina wile pona e ona la sina ken suli e ona.