nasin sewi pi jan Jesu

tan lipu Wikipesija
Jump to navigation Jump to search
sitelen pi nasin sewi. jan Jesu li moli lon palisa sama ni.
lipu ni li toki e ni: jan Jesu li open e nasin sewi ni. ona li jan pi nasin sewi Jejuta.

nasin sewi pi jan Jesu anu nasin sewi Kito (toki Elena: Χριστός /xrisˈtos/, "pana telo") li nasin sewi pi jan Alawan li nasin pi sewi wan tan toki sona pi jan Jesu. ona li nasin sewi pi suli nanpa wan lon ma ale. jan pi nasin sewi li pilin e ni: jan Jesu li jan lili pi mama sewi li kama lawa sama toki pi jan sewi lon nasin sewi Jejuta. lipu sewi pi nasin sewi pi jan Jesu li lipu Pipija.

nasin sewi pi jan Jesu li kama tan nasin sewi Jejuta lon tenpo pi tomo sewi nanpa tu lon ma Juteja pi ma Loma. jan Jesu en jan poka ona li pana e toki pi jan Jesu lon ma poka. jan mute pi nasin sewi Jejuta ala li kama la ona li kama nasin sewi ante.

jan pi kulupu ante mute li lon nasin sewi pi jan Jesu. sama la kulupu ante li pilin e ijo ante. taso ona mute li pilin e ni: sewi li pana e jan lili ona Jesu tawa ma. ona li pana e sona tawa jan li kama pakala li moli lon palisa moli. taso nasin sewi la ona li kama lon sin tan moli li kama awen e jan ale tan ike. lipu pi jan Matejo en lipu pi jan Mako en lipu pi jan Luka en lipu pi jan Jowanan li toki e lon pi jan Jesu e pana sona ona.

pilin[o ante | o ante e toki ilo]

  • jan Jesu pi ma tomo Nala li lawa li sewi.
  • mama sewi li mama pi jan Jesu.
    • jan mute pi nasin sewi li toki e ni: sewi li jan tu wan. ona li mama li jan lili li kon. jan tu wan ni li sewi lawa.
  • jan meli Malan li mama meli pi jan Jesu.
    • jan meli Malan li mama meli pi jan Jesu tan ni: sewi li pana e jan lili tawa jan Malan kepeken kon ona (jan Luka 1:35)
  • tenpo pini mute la jan Jesu li lon ma Juteja. ona li pana e sona sewi. jan mute pi kulupu Jejuta li kute e ona. jan Jejuta ni li kama tawa nasin sewi sin. jan Jesu li ike tawa jan lawa pi nasin sewi Jejuta tan ni. ona mute li kama e ni: jan pi ma Loma li moli e jan Jesu. taso jan Jesuwa li pakala e moli. ona li kama tawa jan mute pi nasin sewi sin. jan Jesu li toki e ni: tenpo kama la mi kama tawa ma kin. jan Jesu li toki pini li kama tawa mama sewi ona.

taso pilin ante mute li lon kulupu ante pi nasin sewi ni.

kipisi pi nasin sewi Kolisu[o ante | o ante e toki ilo]

kipisi pi nasin sewi Kolisu lon tenpo pini

tenpo la kulupu lili ante li kama. ni suli mute li lon:

kulupu lili ale li toki e lipu toki Nikija.

sitelen[o ante | o ante e toki ilo]