kulupu pi kule olin

tan lipu Wikipesija
Jump to navigation Jump to search
len sitelen kule. nimi "kule" lon toki pona li kama tan kule pi len ni.

kulupu kule li kulupu jan pi nasin ante. ona li jo e kulupu pi nasin olin ante anu kulupu pi nasin unpa ante e kulupu tonsi. kulupu lili ante pi kulupu kule li mije pi olin mije, li meli pi olin meli, li jan pi nasin olin tu, li tonsi, li jan pi wile unpa ala, li jan pi olin ale, li kulupu ante mute.

tenpo mute en ma mute la, jan li ike tawa jan kule. taso, jan kule li kama jo pona li ken lon kulupu jan.

nimi[o ante | o ante e toki ilo]

nimi pi toki pona li tan ni: len kule li sitelen pi kulupu ni. toki Inli la, nimi li "LGBT". ni li lili tan lesbian ("meli pi olin"), tan gay ("mije pi olin mije"), tan bisexual ("jan pi nasin olin tu"), tan transgender ("tonsi"). tenpo mute la, ona li jo e nimi lili ante li "LGBTQ" li "LGBT+" li "LGBTI" li ante.