pakala ma
pakala ma la ma li tawa wawa kepeken tenpo lili. ni li tan ni: selo pi ma sike mi li jo e kipisi supa mute. tenpo mute mute mute la, kipisi ni li tawa. taso, tan tenpo la, jan li ken ala lukin e ni. taso tenpo mute la, kipisi ni li ken ala tawa. taso, wawa li lon. tenpo la wawa li awen. tenpo kama la, wawa li tawa e kipisi lon tenpo lili. tan ni la, pakala ma li kama. kin la, pakala ma li lon telo suli li ken open e nena tawa telo suli (toki Nijon: 津波, tsunami).
ken la, pakala ma li lili. tenpo mute la, jan li ken ala pilin e pakala ma. taso tenpo lili la, pakala ma li suli, li ken tawa e ijo, li ken pakala e tomo anu ijo anu jan.
tenpo mute la, pakala ma li kama lon pini pi kipisi ma. tenpo lili la, pakala ma li kama lon ma ante.
jan li ken nanpa ilo e wawa pi pakala ma kepeken nanpa Lite (toki Inli: Richter scale).
pakala tomo ni li kama tan pakala ma lon ma Sile
