pan kili pi ma Italija
Jump to navigation
Jump to search
pan kili tan tomo moku pi ma tomo Napoli
pan kili pi ma Italija anu pan kili sike (pizza) li moku tan ma Italija. anpa la pan kon li lon. jan li pana e kili loje e ko pi telo mama lon sewi li ken pana e soweli e kili ante kin li seli e ona ale lon poki seli. pan kili mute li sike. taso selo ona li ken ante.
pan kili pi tenpo ni li tan ma tomo Napoli. taso ona li suli lon ma mute. ona li suli mute lon ma Elopa lon ma Mewika lon ma Oselija. jan mute li moku e ona tan ni: ona li ken moku e ona kepeken tenpo lili li ken moku e ona lon tawa.