sina ante e lipu "pipi kule"

[[sitelen:Fesoj - Papilio machaon (by).jpg|thumb|pipi kule pi tenpo suno li lon kasi suwi loje]]
'''pipi kule''' (kulupu '''Lepitotela''' (Lepidoptera)) li [[pipi]], li ken tawa lon kon sama waso. pipi ni mute li lon, taso jan li lukin la, kulupu tu li suli: pipi kule pi tenpo pimeja en pipi kule pi tenpo suno.

==kule==
pipi ale ni li ken tawa lon kon. ni la ona li kepeken luka waso. sijelo ona li lili la luka waso ona li selo pi suli mute. ni li suli tawa lukin jan la, kule li suli. pipi kule pi tenpo suno li kule wawa, li ken kule mute. pipi kule pi tenpo pimeja li kule pi wawa ala, li sama kule ma.

==tawa==
pipi ni li tawa lon kon kepeken luka waso. nasin pi tawa kon li ken nasa. pipi pi tenpo suno la nasin ona li sama ala palisa, li tawa mute lon poka mute. pipi pi tenpo pimeja la tawa ona li sama palisa tan suno mun. taso suno ilo mute li lon tenpo ni tan jan la pipi li awen lon ilo suno.

==sin pi pipi kule==
pipi sin li kama lon la ona li ken ala tawa lon kon tan luka waso ala, li sama palisa linja. ona li wile moku mute. ona li kama suli la, ona li pali e poki. poki ni li selo e pipi, li len e ona. pipi li lape lon insa ni, li kama ante mute a. ante li pini la ona li pakala e selo poki, li ante mute. luka waso li lon. taso ona li kama weka sin tan poki ona la ona li wawa ala, li ken ala kepeken luka waso, li wile awen tan ni: wawa en telo sijelo en suli li kama lon insa pi luka waso, li wile e tenpo. soweli li wile moku e ona la wawa ona li ike lon tenpo ni.

==kulupu pi nasin sona==
jan sona li sona e ni: pipi kule mute pi tenpo suno li lon kulupu wan, li kulupu Lopalosela (Rhopalocera). pipi kule pi tenpo pimeja la ona pi mute ala li lon kulupu ni kin. pipi kule ante li kulupu mute, taso nimi Etelosela (Heterocera) li kulupu e ale ni.

[[kulupu:pipi]]