seli

seli li nasin wan pi wawa ijo.

ijo wan Atomo en kulupu Molekula pi ijo ale li tawa nasa lon tenpo ale. taso, tawa ni li lili mute. kama mute la, wawa tawa pi ijo suli li anpa e tawa ni, li pali e ni: lukin la, ijo li tawa ala. ijo li lete la, tawa ni li lili. ijo li seli la, tawa ni li suli. wan ijo pi ijo nanpa wan li utala e wan ijo pi ijo nanpa tu la, ona li pana e wawa tawa tan ona ante. ijo lete li pilin e ijo seli la, ijo lete li kama seli. ijo seli li kama lete. suli seli ona li ante tawa suli sama.

• ijo kiwen li kama seli la, ona li ken kama telo. wawa tawa seli pi wan ijo ona li open anpa e wawa tawa pi ijo suli tan ijo sama.

• ijo telo li kama seli la, ona li ken kama kon. wawa tawa seli pi wan ijo ona li open anpa e wawa tawa pi ijo suli tan ijo ante.

sin la, ijo pi seli mute li pana e wawa suno. wawa suno ni li ken seli e ijo ante. nasin ni la, suno li seli e ma, e mun.