sitelen Ansi

sitelen Ansi (toki Sonko: 汉字/漢字/Hànzì, toki Nijon: 漢字/Kanji, toki Anku: 漢字/Hanja, toki Wije: 漢字/Hán tự) anu sitelen Sonko li nasin sitelen pi toki Sonko. nimi "Ansi" li toki e ni: "sitelen pi toki An". ona li kepeken sitelen nimi.

sin la, toki ante mute li kama sitelen kepeken sitelen Kansi.

toki Sonkoo ante

 
sitelen Ansi pi tenpo pini (pimeja) en sitelen Ansi pona (loje)

tan pi sitelen Ansi li kama lon ma Sonko lon tenpo pini suli. jan li kama jo e sitelen lon kiwen sijelo soweli tan tenpo poka e tenpo sike 1200 BCE. sitelen ni li kepeken "nasin sitelen pi kiwen sijelo".jan sona li pilin e ni: ni li mama pi sitelen Ansi.

tenpo mute mute la, kulupu toki Sonko li toki wan taso kepeken sitelen Ansi. taso, sitelen Ansi pi toki Kantun en toki Ju li lon kin.

tenpo sin la, jan li kepeken sitelen Ansi pi nasin tu lon toki Sonko. ni li sitelen Sonko tan tenpo pini li sitelen Sonko pona. tenpo ni la, nasin sitelen Sonko pona li kepeken lon ma suli pi ma Sonko en ma Sinkapo. sitelen Sonko tan tenpo pini li kepeken lon ma Tawan en ma Enkon en ma Omun.

toki Ankuo ante

toki Anku li kepeken sitelen Sonko (anu sitelen Ansa (한자, 漢字, Hanja) lon toki Anku) lon tenpo pini. taso, sitelen Anku li kama la, mute kepeken pi sitelen Kansi li lili. tenpo ni la, sitelen Ansa li kepeken lili lon toki Anku.

toki Nijono ante

toki Nijon li open sitelen kepeken sitelen Kansi. tenpo pini kama la, jan li pali e sitelen Ilakana (toki Nijon: ひらがな / hiragana), e sitelen Katakana (toki Nijon: カタカナ/ katakana). tenpo ni la, toki Nijon li sitelen kepeken nasin sitelen tu wan ni. nimi mute li sitelen kepeken sitelen Kansi. nimi pi toki ante li sitelen kepeken sitelen Katakana. nimi lili pi ante nimi li sitelen kepeken sitelen Ilakana.

toki Wijeo ante

toki Wije li open sitelen kepeken sitelen Sonko. sin la, jan li pali e sitelen Sunon tawa nimi sin. ma Kanse li lawa e ma Wije la, ona li pali e nasin sitelen sin kepeken sitelen Lasina. tenpo ni la, toki Wije li kepeken ala e sitelen Kansi.

toki anteo ante

kulupu jan ante li lon ma Sonko li toki e toki pi kulupu toki Sonko ala. toki mute ni li kepeken sitelen Ansi.

toki ponao ante

jan mute ante li pana e nasin mute ante pi sitelen e toki pona kepeken sitelen Ansi. tenpo sike 2010 anu tenpo poka la, jan Mato li pana e sitelen Ansi pi nimi pi toki pona lon lipu ilo ona. nasin ante li lon kin.

ante pi toki anteo ante

tenpo mute la, sitelen Ansi sama li toki e ijo sama lon toki ale ni. taso, kalama ona li ante.

sitelen "誠" li toki e ni: "jan pi toki lon". taso, kalama ona li "chéng" lon toki Sonko, li "makoto" anu "sei" lon toki Nijon, li seong" lon toki Anku, li "thành" anu "thiêng" lon toki Wije.

toki ilo Juniko li jo e sitelen Ansi mute mute. tenpo sike 2021 la, nanpa pi sitelen Ansi lon toki ilo Juniko li 92,857.[1]

tan sonao ante

nimi nasin sino ante