sitelen Ansi

tan lipu Wikipesija
Revision as of 2021-05-29T08:51:09 by Epen (toki | ante)
Jump to navigation Jump to search
ike la lipu ni li lili. sina wile pona e ona la sina ken suli e ona.

sitelen Kansi (toki Sonko: 汉字/漢字/Hànzì, toki Nijon: 漢字/Kanji) li nasin sitelen pi toki Sonko. nimi "Kansi" li toki e ni: "sitelen pi toki An".

sin la, toki ante mute li kama sitelen kepeken sitelen Kansi.

toki Anku

toki Anku li kepeken sitelen Kansi lon tenpo pini. taso, sitelen Anku li kama la, mute kepeken pi sitelen Kansi li lili. tenpo ni la, toki Anku en toki Soson li kepeken ala sitelen Kansi.

toki Nijon

toki Nijon li open sitelen kepeken sitelen Kansi. tenpo pini kama la, jan li pali e sitelen Ilakana (toki Nijon: ひらがな / hiragana), e sitelen Katakana (toki Nijon: カタカナ/ katakana). tenpo ni la, toki Nijon li sitelen kepeken nasin sitelen tu wan ni. nimi mute li sitelen kepeken sitelen Kansi. nimi pi toki ante li sitelen kepeken sitelen Katakana. nimi lili pi ante nimi li sitelen kepeken sitelen Ilakana.

toki Wije

toki Wije li open sitelen kepeken sitelen Kansi. sin la, jan li pali e sitelen Sunon tawa nimi sin. ma Kanse li lawa e ma Wije la, ona li pali e nasin sitelen sin kepeken sitelen Lasina. tenpo ni la, toki Wije li kepeken ala e sitelen Kansi.

ante pi toki ante

tenpo mute la, sitelen Kansi sama li toki e ijo sama lon toki ale ni. taso, kalama ona li ante.

sitelen "誠" li toki e ni: "jan pi toki lon". taso, kalama ona li "chéng" lon toki Sonko, li "makoto" anu "sei" lon toki Nijon, li "eumhun" lon toki Anku, li "thành" anu "thiêng" lon toki Wije.

toki ilo Juniko li jo e sitelen Kansi mute mute. tenpo ni la, nanpa pi sitelen Kansi lon toki ilo Juniko li 92,857.

nimi nasin sin