sitelen Ilakana

tan lipu Wikipesija
Jump to navigation Jump to search

sitelen Ilakana li sitelen pi toki Nijon. sitelen Kansi la nimi ona li 平仮名 (lon sitelen Ilakana li ひらがな. kalama ni li "hiragana".) sitelen Ilakana lon toki Nijon li "sitelen pona".

kalama pi sitelen Ilakana li sama kalama pi sitelen Katakana.

nanpa wan la jan lili pi ma Nijon li kama sona e sitelen Ilakana. nanpa tu la ona li kama sona e sitelen Katakana e sitelen Kansi.

sitelen Ilakana en nasin sitelen ona

sitelen majuna[o ante | o ante e toki ilo]

sitelen "ゐ" ("wi") en sitelen "ゑ" ("we") li sitelen majuna. toki Nijon majuna li kepeken e sitelen ni. taso, tenpo ni la toki Nijon li kepeken ala e sitelen ni. sitelen Ilakana li kin jo e sitelen "𛀆" ("yi") e sitelen "𛀁" ("ye") e sitelen "𛄟" ("wu"). tenpo ali la toki Nijon li kepeken ala e kalama "yi" e kalama "wu". tenpo pini la kalama "ye" li lon toki Nijon, taso sitelen Ilakana li lon ala lon tenpo pi kalama "ye" lon toki Nijon.