lupi ni li lipu pi pona mute

sitelen tawa Nijan Senesi Ewankelijan

tan lipu Wikipesija
Revision as of 2024-04-05T14:11:20 by Jan Ke Tami (toki | ante) (weka pakala)
(ante) ← Older revision | Latest revision (ante) | Newer revision → (ante)
Jump to navigation Jump to search
nimi Ewankelijan

sitelen tawa Nijan Senesi Ewankelijan (toki Nijon: 新世紀エヴァンゲリオン, "lipu Ewankelijon pi tenpo sike ali sin", toki Inli: Neon Genesis Evangelion) anu sitelen tawa Ewankelijan anu sitelen Ewa li sitelen tawa pi lon ala tan ma Nijon tan tenpo sike nanpa 1995―1996. jan Ano Itejaki pi kulupu Kana li pali e ona. jan lili mute tan sitelen Ewankelijan li kepeken ilo jan suli mute li utala e ijo Sito (toki Nijon: 使徒, "jan pi kama sona"). ijo Sito li suli, li wile pakala e ma ale. mute pi sitelen tawa kipisi li 26.

nasin tawa[o ante | o ante e toki ilo]

pakala ma suli anu «pakala nanpa tu» li pakala e ma lon tenpo sike nanpa 2000. tenpo sike nanpa 2015 la jan Sinsi Ikali li lon ma tomo Tokijo-3. kin la mama mije ona li jan Kento Ikali. jan Kento Ikali li jan lawa pi kulupu Nerv. ma kulupu li lon anpa pi ma tomo Tokijo-3. jan Sinsi li lon ma tomo Tokijo-3 la ijo Sito li open utala e ma tomo Tokijo-3. jan Sinsi li kepeken ilo jan suli Ewankelijan-01 li anpa e ijo Sito.

jan Misato Katulaki en jan Asuka Lanli Solu en jan Le Ajanami li kama jan poka pi jan Sinsi. jan Misato li jan utala pi kulupu Nerv. jan Sinsi en jan Asuka li lon tomo pi jan Misato. jan Asuka li jo e ilo jan suli Ewankelijan-02. jan Le li jo e ilo jan suli Ewankelijan-00. jan Sinsi en jan Asuka en jan Le li anpa e ijo Sito 16.

jan Sinsi li ijo Sito pini. ona li pilin ike mute. pilin ona la ona li wile lon poka pi jan pona ona.

jan pi sitelen tawa Ewankelijan[o ante | o ante e toki ilo]

jan Kitejaki li pali e jan sitelen tan pilin insa ona. tenpo pali la pilin li ike.

  • jan Sinsi Ikali li jan lili lon sitelen tawa Ewankelijan. pilin ona li wawa ala. tan ni la jan li utala e ona la pilin ike li kama. jan Sinsi li wile utala pakala e jan ike ona.
  • jan Li Ajanami li jan lili lon sitelen tawa Ewankelijan. ona li pilin ike tan ni: ona li sama ijo pi jan Uwi Ikali. jan Uwi Ikali li mama meli pi jan Sinsi. kin la ona li jan olin pi jan Kento.
  • jan Asuka Lenli Solu li jan lili lon sitelen tawa Ewankelijan. ona li sona mute. pilin ona la ona o lawa.
  • jan Misato Katulaki li jan utala pi kulupu Nerv. ona li musi ala lon pali. ona li musi mute lon tomo ona.

tenpo pini pali[o ante | o ante e toki ilo]

tomo pi kulupu Kana lon ma tomo Tokijo

jan Kitejaki Ano li pilin ike mute lon tenpo sike nanpa 1992 tan ni: sitelen tawa ona li ike tawa jan mute. jan Kitejaki li kama pali e sitelen tawa Ewankelijan lon tenpo sike nanpa 1993. kipisi lili pi sitelen tawa pi jan Kitejaki li lon sitelen tawa Ewankelijan.

sitelen tawa nanpa wan Ewankelijan li kama lon tenpo sike nanpa 1995. taso sitelen tawa Ewankelijan nanpa 16 li lon la jan Kitejaki li ante e nasin sitelen pi sitelen tawa Ewankelijan tan ni: kulupu Kana li pana e mani lili tawa jan Kitejaki. sitelen tawa nanpa 26 li kama lon tenpo sike Ewankelijan 1996.

sona tan lon sitelen tawa Ewankelijan[o ante | o ante e toki ilo]

sona pi nasin sewi pi jan Jesu en sona pi nasin sewi Jejuta en sona pi nasin sewi Sinto li lon Ewankelijan: jan Atan, jan Ewa, jan Lilit, kasi suli pi nasin sewi pi jan Jesu. ijo Sito li sama jan waso sewi.

kipisi pi sona pilin en kipisi pi sona jan li lon Ewankelijan. jan Le li jo e pakala sona. jan Sinsi li jo e pilin ante tawa jan mute. jan Lituko Akaki li olin e jan Kento tan ni: lukin la jan Kento li sama mama mije pi jan Lituko. sitelen tawa la jan mute li pilin pi wile moli.

wawa[o ante | o ante e toki ilo]

jan tu li jo e selo pi jan Asuka e selo pi jan Le

sitelen tawa Ewankelijan li pona tawa jan mute. lipu Paste en lipu IGN en lipu Comic Book Resources li toki e ni: Ewankelijan li pona mute, li ken pona nanpa wan[1][2][3]. nasin sitelen en jan pi sitelen tawa Ewankelijan li pona tawa jan[4][5]. taso mute nanpa pi sitelen tawa li lili la jan mute li pilin ike tawa nanpa ni taso[6][7].

sitelen tawa Ewankelijan li wawa tawa sitelen tawa pi lon ala pi ma Nijon.

kalama musi[o ante | o ante e toki ilo]

jan Silo Sakiu li pali e kalama musi pi sitelen tawa Ewankelijan. kalama musi pi jan Lutwik Pitkowen en jan Sojan Sepasijen Pake en jan Jusepe Verti en jan So Kantel li lon sitelen tawa Ewankelijan. kalama musi open pi Ewankelijan li kalama «A Cruel Angel's Thesis» (toki Nijon: 残酷な天使のテーゼ). ona li pona tawa jan mute[8][9]. kalama musi pini pi sitelen tawa Ewankelijan li kalama «Fly Me to the Moon».

tan sona[o ante | o ante e toki ilo]

  1. jan Jones Ausin en jan Paste Staff li toki e ni lon "The 35 Best Anime of All Time" lon lipu Paste lon tenpo tenpo suno nanpa 15, tenpo mun nanpa 1, tenpo sike 2024.
  2. ni li tan "Top 25 Best Anime Series of All Time" lon IGN lon tenpo tenpo suno nanpa 22, tenpo mun nanpa 9, tenpo sike 2022.
  3. jan Kemner Louis li toki e ni lon "30 Best Anime Of All Time" lon Comic Book Resources lon tenpo tenpo suno nanpa 9, tenpo mun nanpa 1, tenpo sike 2024.
  4. jan Charles McCarter li toki e ni lon "Everywhere FLCL" lon EX Magazine lon tenpo tenpo suno nanpa 23, tenpo mun nanpa 5, tenpo sike 2007.
  5. jan Roderick Lee li toki e ni lon "Interview: Takagi Shinji" lon EX Magazine lon tenpo tenpo suno nanpa 2, tenpo mun nanpa 2, tenpo sike 2003.
  6. ni li tan "Otakon Highlights – Evangelion Voice Actors – Aug. 7, 1998" lon Fansview.com lon tenpo tenpo suno nanpa 17, tenpo mun nanpa 6, tenpo sike 2008.
  7. jan Matthew Vice li toki e ni lon "DStv Pick of the week – Neon Genesis Evangelion : Monday, 15:45, Animax" lon The Times.
  8. ni li tan "忘れられないアニメソングベスト100 シネマでぽん!S cinema-game-toy/ウェブリブログ" lon TV Asahi.
  9. ni li tan "決定!これが日本のベスト" lon TV Asahi.

lipu[o ante | o ante e toki ilo]


Cscr-featured.png lipu ni li lipu pi pona mute.