sitelen Sinkeki No Kosin

sitelen Sinkeki No Kosin (toki Nijon: 進撃の巨人, "utala pi jan suli") li sitelen tawa pi ma Nijon. pana ona li open lon tenpo sike 2013 li pini lon tenpo sike 2023. jan Kasima Isajama en kulupu Mapa en kulupu Wito li pali e ni. sitelen ni la, jan suli pi ma telo Palasi li moku e jan. jan li utala e jan suli. sitelen tawa ni li pona mute tawa jan. ona li jo e sitelen tawa 94.

nimi pi sitelen Sinkeki No Kosin

nasin siteleno ante

sona sulio ante

 
sitelen ma
  ma Palasi
  ma Mali
 
selo suli pi ma tomo

jan pi ma Elusija li lon ma tomo pi ma telo Palasi. ma tomo li jo e selo suli tu wan: selo Sina, en selo Losa, en selo Mali. jan suli mute li lon ma Palasi. ona li moku e jan. jan utala li utala e jan suli. jan utala li lili mute tawa jan suli la, ona li wile e ilo tawa ni. ona li ken tawa wawa lon kon kepeken ilo ni. ni la ona li ken tawa monsi lawa pi jan suli li ken moli e ona. jan utala li wile tawa monsi lawa pi jan suli tan ni: jan li lon insa. jan ni li moli la jan suli li moli.

jan suli mute li ken ala sona pona sama jan. taso jan suli 9 li ken sona. jan suli sona li ken kama jan. jan ni li ken kama jan suli sona. jan ante li moku e jan ni la jan ante li ken kama jan suli sona. jan suli sona li moli la jan lili ante pi ma Elusija li kama jan suli sona.

ma Mali li lon ma ante. ona li utala ma Elusija lon tenpo pini. ona li wile e ni: jan pi ma Elusija li moli.

nasin siteleno ante

 
jan mute li len e ona sama jan suli pi sitelen tawa ni

jan Elen Jeka li jan lili lon ma tomo Sikansina pi ma tomo pi ma Palasi. jan suli li utala e ma tomo Sikansina lon tenpo sike 845. ona li pakala e sinpin Mali. jan suli li moku e jan mute e mama pi jan Elen. jan Elen en jan Mikasa Akaman en jan Alumin Aluleluto li kama jan utala. ona li wile moli e jan suli.

 
jan mute li len e ona sama jan utala pi ma Palasi

jan suli li utala e ma tomo Tolusuto lon tenpo sike 850. jan Elen li kama jan suli. ona li awen sona e ni: mama ona li pana e ken ni tawa ona: ona li ken kama jan suli.

jan utala pi ma Palasi li lon ma tomo Sikansina. ona li utala e jan suli. jan utala li anpa e ona mute. jan Alumin li kama ken kama jan suli. jan Elen en jan Mikasa en jan Alumin li kama sona e ni: ma Mali li lon poka pi ma Palasi. jan pi ma Esulija li ike tawa jan Mali. jan Mali li pali e jan suli. jan Mali li wile moli e jan ale pi ma Elusija.

pilin jano ante

sitelen Sinkeki No Kosin li pona mute tawa jan. jan li toki e ni: sitelen ni li pona mute, li ken pona nanpa wan[1][2][3]. jan Lepeka Sileman li toki e ni: sitelen li pona li monsuta[4]. jan Maja Pili li toki e ni: sitelen li sama ala sitelen tawa ante[5].

jan pi ma Anku li toki e ni: sitelen Sinkeki No Kosin li wile e ni: ma Nijon li utala e ma Anku[6].

tan pi sona pi sitelen tawa nio ante

 
jan Akijama Josipulu

jan mute li pilin e ni: jan lawa utala To Piki pi ma Palasi li sama jan Akijama Josipulu. jan Akijama Josipulu li ike tawa ma Sonko tawa ma Anku tawa ma Soson[7].

jan Ton Siman li pilin e ni: jan pi ma Elusija li sama jan Jejuta. pilin ona la suli la sitelen tawa ni li toki e ni: jan pi mute lili li wawa. jan mute ante li wawa ala. jan wawa o lawa e ale. jan pi wawa ala o anpa[8]. taso jan ante la ni li lon ala[9][10].

tan sonao ante

  1. jan William Goodman li toki e ni lon "The 30 Best Anime Shows of All Time" lon Men's Health. lon tenpo tenpo suno 31, tenpo men 1, tenpo sike 2023.
  2. ni li tan "Top 25 Best Anime Series of All Time" lon IGN lon tenpo tenpo suno 22, tenpo mun 9, tenpo sike 2022.
  3. jan Alex Vo en jan Rafael Motamayor en jan Rob Fowler li toki e ni lon "The 25 Essential Anime Series To Watch Now" lon Rotten Tomatoes lon tenpo tenpo suno 7, tenpo mun 12, tenpo sike 2020.
  4. jan Rebecca Silverman li toki e ni lon "The Spring 2013 Anime Preview Guide" lon Anime News Network lon tenpo tenpo suno 3, tenpo mun 4, tenpo sike 2013.
  5. jan Maya Phillips li toki e ni lon "The 10 Best Anime Shows on Netflix" lon Vulture lon tenpo tenpo suno 10, tenpo mun 10, tenpo sike 2017.
  6. ni li tan 軍國主義復活?∕進擊的巨人 引發韓日論戰 lon Liberty Times lon tenpo tenpo suno 12, tenpo mun 6, tenpo sike 2013.
  7. jan Brian Ashcraft li toki e ni lon "A Thousand Death Threats Against a Popular Anime Creator" lon Kotaku lon tenpo tenpo suno 1, tenpo mun 7, tenpo sike 2013.
  8. jan Tom Speelman li toki e ni lon "The fascist subtext of Attack on Titan can’t go overlooked" lon Polygon lon tenpo tenpo suno 18, tenpo mun 6, tenpo sike 2019.
  9. jan Dave Trumbore li toki e ni lon "Here's What 'Attack on Titan' Would Look Like If It Was Pro-Fascist & Anti-Semitic" lon collider.com lon tenpo tenpo suno 20, tenpo mun 6, tenpo sike 2019.
  10. jan Faiyaz Chowdhury li toki e ni lon "Attack on Titan's Criticism of Fascism & Racism Is Far From Subtle" lon Comic Book Resources lon tenpo tenpo suno 21, tenpo mun 6, tenpo sike 2020.

lipuo ante


  lipu ni li lipu pi pona mute.