soweli li kama tan mama li kama ante lon tenpo mute

tan lipu Wikipesija
Revision as of 2022-04-11T08:03:50 by Jolan (toki | ante)
Jump to navigation Jump to search
Merge-arrows.svg jan li wile e ni: lipu ni en lipu "soweli en akesi li pona la ona li kama nanpa mute" li kama wan. (o toki).

nasin pi kama sin pi mama moli li nasin pi kama sin ijo kepeken mama, kepeken moli. jan Sa Tawin li jan nanpa wan pi sona pi nasin ni.

nasin

nasin pi kama sin pi mama moli li ni: ijo li mama e ijo sin la, ijo sin en ijo nanpa wan li ante lili la, ijo nanpa wan li moli la, ijo li kama sin. ni la, ijo pi tenpo pini en ijo pi tenpo kama li ante. kin la, ijo pi kule tu li lon la, ijo ante li moli e ijo ale pi kule nanpa wan la, ijo pi kule nanpa tu taso li awen lon.

jan en soweli en akesi en kijetesantakalu en waso en kala en pipi en kasi en jaki lili la, nasin pi kama sin pi mama moli. kin la, jan li ken pali e ilo kepeken nasin ni.

nasin ni li kepeken toki lon insa pi ijo pi nasin ni. ijo li mama e ijo sin la, sijelo li pali e ijo sin kepeken toki ni. ijo li mama e ijo sin la, ona li pana e toki pon insa on tawa ijo sin. taso toki ni li ante lili. ni la, ijo sin en ijo nanpa wan li ante.

poka ijo li ken ante mute e nasin pi kama sin pi mama moli ona. poka ona li jo e moku mute pi nasin moku wan la, ijo pi nasin moku ni li kama mute. ijo pi nasin moku ante li kama mute ala.

jan Sa Tawin

jan Sa Tawin li mama sona pi nasin pi kama sin. ma telo Kalapako la, ma lili ante li lon insa telo. jan Ka Dawin li tawa ma ni la, ona li lukin e waso ale pi ma lili ante ale li lukin e ni: ona ale li sama li ante lili. jan li ken ala poki e ona lon poki ante li ken ala poki e ona lon poki wan. ni la, ona li toki e ni: "ken la, ona li kama tan ona ante". kin la, ona li kama sona e nasin kasi li toki e ni: "kasi mute li utala lon ma wan li weka wawa e kasi pi kule pona pi poka wan tawa poka ni. kasi lon poka ni li awen li pana e kule ona tawa kasi sin ona. kasi mute li wile e poka ante. kasi pi poka ala li moli."