soweli pi sama jan

soweli pi sama jan anu soweli jan li nimi pi kulupu soweli. soweli mute li soweli jan. ona mute li lon palisa kasi. taso, ona lili li lon ma. soweli jan li sona mute.

soweli jan li lon palisa kasi.

lukin

soweli jan li lukin mute sama jan tan ni: jan en soweli jan li kama tan soweli sama. ona li jo e luka tu, e noka tu, e linja monsi. taso, soweli jan ale li jo ala e linja monsi.

ken

ona li ken kama jo kepeken luka e ijo mute, li ken kepeken ilo. ona li moku e kasi. taso, ona lili li moku e sike waso, e pipi, e akesi lili.