toki

tan lipu Wikipesija
Revision as of 2022-03-11T16:37:52 by Tepo (toki | ante)
Jump to navigation Jump to search
sitelen li lon ilo mun Pajonilu. jan mun li lukin e sitelen la, ona li ken alasa e ma.

toki li esun sona. jan li wile pana e sona la, jan li toki. ken la, toki li toki uta li sitelen toki li toki pi kalama ala.

tenpo ni la, ilo sona mute li toki tawa ilo sona ante mute. ni li kulupu ilo.

toki jan

jan li pana e lipu toki tan lupa moku ona.

jan li esun e sona kepeken toki. jan la, toki li ken jo e nimi mute. jan li toki kalama la, jan li pali e kalama kepeken uta. ona li wile e ni: jan ante li kute e kalama nimi li ken sona e wile ona. jan ante li ken toki kepeken luka ona. jan ni li toki e nimi kepeken luka ona li wile e ni: jan ante li lukin e luka ona li ken sona e wile ona. ni la, toki ni li toki luka.

nasin toki li mute. jan mute mute li kepeken toki Inli. ona li tan ma Inli. lon ma Sonko la, jan mute mute li kepeken toki Sonko.

ken la, jan li kepeken toki sin. jan li pali e toki sin. toki sin li mute kin. toki Epelanto en toki Losupan en toki pona li toki sin.

tenpo pini la, jan li kepeken toki wan. taso tenpo ni la, jan ala li kepeken ona. ni la, toki ni li toki moli.

toki lon ma

toki tan ma Asija

toki tan ma Elopa

toki sin

toki soweli

soweli mute li ken toki. mu la, soweli li pana e sona tawa soweli ante.

toki waso

waso Psittacus Erithacus li ken toki.

waso toki li ken mu kepeken toki jan. jan li toki la waso ona li ken jasima[nimi].

jan sona li sona ala e ni: waso ona li ken sona e toki.