toki

tan lipu Wikipesija
Jump to navigation Jump to search
sitelen li lon ilo mun Pajonilu. jan mun li lukin e sitelen la, ona li ken alasa e ma.

toki li esun sona. jan li wile pana e sona la, jan li toki. ken la, toki li toki uta li sitelen toki li toki pi kalama ala.

tenpo ni la, ilo sona mute li toki tawa ilo sona ante mute. ni li kulupu ilo.

nimi toki[o ante | o ante e toki ilo]

toki pona la, nimi "toki" li kama tan nimi "tok" toki Topisin. nimi "tok" pi toki Topisin li tan nimi "talk" pi toki Inli.

toki jan li kama tan seme?[o ante | o ante e toki ilo]

tenpo pini la, jan li open toki. jan li sona ala e nasin pi kama toki. toki mute pi kama toki li lon: jan mute li pilin e ni: tenpo suli la, toki jan li kama. taso, jan ante li pilin ante e ni: jan li open toki lon tenpo wan tan soweli li kama tan mama li kama ante lon tenpo mute wan.

toki jan[o ante | o ante e toki ilo]

jan li pana e lipu toki tan lupa moku ona.

jan li esun e sona kepeken toki. jan la, toki li ken jo e nimi mute. jan li toki kalama la, jan li pali e kalama kepeken uta. ona li wile e ni: jan ante li kute e kalama nimi li ken sona e wile ona. jan ante li ken toki kepeken luka ona. jan ni li toki e nimi kepeken luka ona li wile e ni: jan ante li lukin e luka ona li ken sona e wile ona. ni la, toki ni li toki luka.

toki li kama toki mama pi jan ala la, toki li kama toki moli. toki Lasina en toki Sankita li toki moli.

nasin toki mute li lon ma. taso, nasin toki li sama mute. jan mute li pilin e ni: jan tu li toki kepeken nasin toki ante, li sona e toki pi jan ante la, toki pi jan tu li toki sama. taso, jan ante li pilin e ni: nasin jan en nasin lawa la, nasin toki li ken toki sama anu ken toki ante. pilin ni la, jan li toki e ni: toki li jo e kulupu utala e kulupu utala telo la, toki li toki ante. (toki Inli: A language is a dialect with an army and navy.)

nasin toki uta mute lon ma[o ante | o ante e toki ilo]

jan mute mute li kepeken toki Inli. ona li tan ma Inli. lon ma Sonko la, jan mute mute li kepeken toki Sonko. ken la, jan li kepeken toki sin. jan li pali e toki sin. toki sin li mute kin. toki Epelanto en toki Losupan en toki pona li toki sin.

toki tan ma Asija[o ante | o ante e toki ilo]
toki tan ma Elopa[o ante | o ante e toki ilo]
toki sin[o ante | o ante e toki ilo]

toki soweli[o ante | o ante e toki ilo]

soweli mute li ken toki. mu la, soweli li pana e sona tawa soweli ante.

toki waso[o ante | o ante e toki ilo]

waso Psittacus Erithacus li ken toki.

waso toki li ken mu kepeken toki jan. jan li toki la waso ona li ken jasima[nimi].

jan sona li sona ala e ni: waso ona li ken sona e toki.