toki Epanja
toki Epanja
español | |
---|---|
kalama | [espaˈɲol] [kasteˈʎano] |
ma | |
kulupu toki | Palata Elopa |
nasin sitelen | sitelen Lasina |
nanpa toki | |
ISO 639-1 | es
|
ISO 639-2 | spa
|
ISO 639-3 | spa
|
toki Epanja (toki Epanja: español) anu toki Katejano (toki Epanja: castellano) li toki pi kulupu toki Loma tan ma Epanja. jan pi ma Epanja en jan mute pi ma Amelika seli li kepeken ona. taso ona li toki suli pi ma ale.
nimi toki
nimi tu li lon. jan mute li kepeken nimi español. taso jan ante li kepeken nimi castellano. nimi español li tan nimi Hispaniola pi toki Lasina. nimi castellano li tan nimi pi ma lawa Kasija (toki Epanja: el reino de Castilla).
nimi pi toki pona li tan nimi ma España.
kulupu pi toki Epanja
kulupu pi toki Epanja li lon ma Epanja li lon ma mute pi ma Amelika seli. toki Epanja li kama tan toki Lasina. jan li sitelen e toki Epanja kepeken sitelen Lasina.
ma pi toki Epanja
toki Epanja li toki pi nanpa wan lon ma ni:
- ma Alensina
- ma Antola
- ma Ekato
- ma Epanja
- ma Hontula
- ma Kosalika
- ma Kupa
- ma Mesiko
- ma Sile
- ma Palakawi
- ma Panama
- ma Pelise
- ma Pelu
- ma Penesuwela
- ma Polipija
- ma Tominika
- ma Ulukawi
- ma Watemala
ma ante mute li toki e ni kin. taso toki Epanja li toki lawa ala lon ma ante ni.
kalama
sinpin | monsi | |
---|---|---|
sewi | i | u |
insa | e | o |
anpa | a |
selo tu | kiwen | nena uta | monsi nena | sewi kiwen | sewi ko | ||||
---|---|---|---|---|---|---|---|---|---|
nena | m | n | ɲ | ||||||
pini | p | b | t | d | tʃ | ʝ | k | g | |
kon tawa | f | θ* | s | (ʃ) | x | ||||
kon poka | l | ||||||||
pini lili | ɾ | ||||||||
sijelo tawa | r |
nimi pi toki Epanja
- toki! = ¡Hola!
- mi tawa. / tawa pona. = Adiós.
- mi wile e ___. = Quiero ___.
- mute seme? = ¿Cuánto?
- tomo telo li lon seme? = ¿Dónde está el baño?
- sina sona ala sona e toki pona? = ¿Habla usted toki pona?
- mi sona ala. = No sé.
- nimi sina li seme? = ¿Cómo te llamas?
- nimi mi li ____. = Mi nombre es ____. / Me llamo ____.
- mi wile moku. = Tengo hambre.
- mi = yo
- sina = tú
- ona = él / ella (mije la ona li nimi él. meli la ona li nimi ella.)
- mi pona lukin! = Soy guapo/guapa (sina mije la o kepeken nimi guapo. sina meli la o kepeken nimi guapa.)