toki Epelanto

tan lipu Wikipesija
Revision as of 2021-05-24T20:42:10 by Musi (toki | ante)
Jump to navigation Jump to search
toki Epelanto

Esperanto

Flag of Esperanto.svg
kalama [espeˈranto]
mama jan Sameno
kulupu toki toki sin
nasin sitelen sitelen Lasina
nanpa toki
ISO 639-1 eo
ISO 639-2 epo
ISO 639-3 epo
Linguist List epo
Glottolog espe1235
Linguasphere 51-AAB-da
Relative number of Esperanto association members by country (2020).svg
nanpa jan lon kulupu pi toki Epelanto pi ma ale

laso pimeja li jan mute. laso walo li jan pi mute lili.

toki Epelanto (Esperanto) li toki sin tawa ma ale. toki sin la ona li suli. jan pi toki mama Epelanto li lon.

jan Sameno li mama pi toki Epelanto. ona li jan pi sona lukin tan ma Posuka. ona li wile e ni: toki Epelanto li toki nanpa tu tawa ma ale. nimi "Epelanto" li tan nimi ona tawa ona sama. toki Epelanto la kon ona li "jan wile". nimi pi toki Epelanto li kama tan toki pi ma Elopa.

toki Epelanto li toki lawa pi ma ala. taso jan pi toki Epelanto li pana e nimi Esperantujo (ma pi toki Epelanto) tawa ma ale ona.

toki Epelanto li kama suli lon tenpo pi pini lili tan ijo mute. kulupu pi ilo Kuku li pana e toki Epelanto lon ilo ona pi ante toki. sama la kulupu pi ilo Tujolinko li pana e sona pi toki Epelanto lon ilo ona.