toki Lasina

toki Lasina lingua latīna
sittelen pi toki Lasina lon tomo Kolosejo pi ma tomo Loma
kalama	[laˈt̪iːna]
ma	ma Loma ma Wasikano
kulupu toki	Palata Elopa Italija
nasin sitelen	sitelen Lasina
nanpa toki
ISO 639-1	la
ISO 639-2	lat
ISO 639-3	lat

toki Lasina (toki Lasina: lingua latīna) li toki pi ma Lasina lon tenpo pini li toki pi ma Loma lon tenpo pini. taso ma suli Loma pi pini suno li pakala la, toki Lasina li awen. toki Lasina pi jan mute li ante lon ma ante li kama e toki pi kulupu Loman. taso tenpo mute la, jan pi ma Elopa li kepeken awen e toki ni lon lawa lon sewi lon sona.

jan suli pi sitelen musi lon toki ni li jan Wekilusu (Vergilius) li jan Olasiju (Horatius) li jan Takitu (Tacitus).

tenpo pini

toki Lasina li kama lon ma Lasina lon ma Italija pi tenpo pini. ma ni la, ma tomo Loma li kama. ma tomo Loma li kama lawa e ma mute. ma suli ni li awen lon tenpo mute, jan mute pi ma tomo Loma li pana e toki Lasina tawa jan pi ma ante mute. toki ni li kama tan toki Lasina:

• toki Kanse
• toki Epanja
• toki Italija
• toki Potuke
• toki Lominija
• toki mute ante

tenpo ni

tenpo ni la, toki Lasina li toki mama pi jan ala. taso jan sona li kepeken toki Lasina tan ni: ona li pana e nimi tawa soweli mute. jan pi kulupu sewi Katolika li toki kepeken toki Lasina li lukin e lipu pi tenpo ante mute pi toki Lasina. tan ni la, ona li toki lawa lon ma Wasikano.

sitelen

sitelen pi toki Lasina li lon anpa. toki Lasina li kepeken sitelen Lasina.

kalama pini

		sinpin	sinpin lili	insa	monsi		lupa uta
					uta ala	uta
kon pini	wawa uta	b	d	(dʒ)	ɡ	ɡʷ
	wawa uta ala	p	t	(tʃ)	k	kʷ
	poka kon	(ph)	(th)		(kh)	(kwh)
kon pini lili	wawa uta	v	(z)
	wawa uta ala	f	s				(h)
kon nena		m	n		(ŋ)
kon telo lili			r
kon telo			l	(j)		(w)

• p^h, t^h, k^h, z, y(:) li kama tan nimi pi toki Elena
• k^wh li ken kepeken lon /k^huV/
• w en j li ante kalama tan i, tan u
• tʃ en dʒ li kepeken taso lon toki sewi Lasina

kalama open

	sinpin				monsi
pini	ɪ	i:	(y)	(y:)	ʊ	u:
insa	ɛ		eː		ɔ	o:
open	a				aː

sitelen pi toki Lasina

sitelen lipu	a	ā	æ	ǣ	b	c		ch	d	e	ē	f	g		gu	h	i	ī	k	l	m	n	o	ō	œ	œ̄	p	ph	qu	r	s	t	th	u	ū	v	x	y	ȳ	z
sitelen kiwen	A		Æ		B	C		CH	D	E		F	G		GV	H	I		K	L	M	N	O		Œ		P	PH	QV	R	S	T	TH	V			X	Y		Z
kalama	a	a:	ae~ɛ	a:e~e:	b	k	(tʃ)	kh	d	ɛ	eː	f	g	(dʒ)	gw	-	ɪ	i:	k	l	m	n	ɔ	o:	oe~ɛ	o:e~e:	p	ph	kʷ	r	s	t	th	ʊ	u:	v	ks	y	y:	z

toki pi toki Lasina

• toki!: Salve!
• suno pona!: Diem bonam(/bonum)!
• lape pona!: Noctem bonam!
• mi tawa! en tawa pona!: Vale!
• o kute!: audi!
• wan, tu, tu wan: unus, duo, tres