lipu "toki Nosiki" la tenpo tu la ante li ni
(→kalama) |
(→kalama) Tags: Mobile edit Mobile web edit |
||
linja nanpa 42: | linja nanpa 42: | ||
|+kalama pini pi toki Nosiki | |+kalama pini pi toki Nosiki | ||
! | ! | ||
! open | ! open | ||
!sinpin | !sinpin | ||
!monsi | !monsi | ||
linja nanpa 90: | linja nanpa 90: | ||
|} | |} | ||
* toki Nosiki anpa en toki Nosiki insa, en toki Nosiki sewi la, kalama pi kon telo lili li poka kalama pi sinpin | * toki Nosiki anpa en toki Nosiki insa, en toki Nosiki sewi la, kalama pi kon telo lili li poka kalama pi sinpin la, ona li kama e kalama pi monsi uta [ɳ, ʈ, ɖ, ɭ]. | ||
* nasin toki lili la, kalama /ʃ/ li kalama tu [sj]. | * nasin toki lili la, kalama /ʃ/ li kalama tu [sj]. | ||
* toki Nosiki poka lili la, ona li toki ala e kalama /ɾ/. ona li toki e kalama /ʁ/. | * toki Nosiki poka lili la, ona li toki ala e kalama /ɾ/. ona li toki e kalama /ʁ/. |
Revision as of 2021-05-09T13:36:30
toki Nosiki
Norsk | |
---|---|
ma | ma Nosiki |
toki pi tenpo pini | toki Nolon
|
nasin sitelen | sitelen Lasina |
nanpa toki | |
ISO 639-1 | no
|
ISO 639-2 | nor
|
ISO 639-3 | nor
|
Glottolog | norw1258
|
Linguasphere | 52-AAA-ba
|
toki Nosiki (toki Nosiki: Norsk) li toki lawa pi ma Nosiki. ona li toki pi kulupu Kemani. toki Nosiki, en toki Wensa, en toki Tansi li jo e toki mama sama.
nasin sitelen pi toki
nasin sitelen pi toki la, toki Nosiki li jo e nasin tu. jan ala li toki e nasin ni. taso, jan ale li ken kepeken e ona.
toki lipu
toki lipu (toki Nosiki: Bokmål) la, jan li kepeken e ona tan ni: tenpo pini la, ma Tansi li jo e ma Nosiki. ma Tansi li jo ala e ona la, ma Nosiki li kepeken awen e toki Tansi tawa lipu. taso, ma Nosiki li ante lili e ona. jan Nosiki mute li sitelen e toki ni. toki lipu en toki Tansi la, ona li ante lili:
- nimi pi toki Tansi li jo e kalama b/d/g la, toki lipu li jo e kalama p/t/k. toki Tansi: løbe, hedde, kage. toki lipu: løpe, hete, kake.
- nimi jan li ante lili. toki Tansi: I - jer - jeres . toki lipu: dere - dere - deres.
toki Ninosiki
toki Ninosiki (toki Nosiki: Nynorsk) la, jan Iwa Osen li pali e ona. ona li wile pali e nasin sitelen pi toki Nosiki tan ni: toki Tansi li ante mute tawa jan Nosiki. ona li tawa ale e ma Nosiki la, ona li kute e nasin toki pi jan ale. toki lipu en toki Ninosiki li sama lili. taso, ona tu li ante:
- kalama li ante. toki lipu: hete, løse, grøt. toki Ninosiki: heita, løysa, graut.
- nimi pi toki lipu kepeken e kalama be-, an-, -het, -else la, toki Nosiki li kepeken ala e kalama ni. o lukin e nimi ni. toki lipu: beskjed, beskrive, anbefale, ansette, trygghet, anelse. toki Ninosiki: melding, skildra, tilråda, tilsetja, tryggje, aning.
toki Ninosiki en nasin toki pi jan Nosiki mute li sama mute. kin la, jan mute li kepeken e toki lipu. jan nanpa lili taso li kepeken e toki Ninosiki.
nasin toki
ma mute li weka e nasin toki. taso, ma Nosiki li awen e nasin toki. jan Nosiki mute li kepeken e nasin toki ona. jan mute pilin e ni: ona li pilin pona tan nasin toki ona. ni li kulupu pi nasin toki:
- toki Nosiki anpa (toki Nosiki: Østnorsk/Austnorsk)
- toki Nosiki poka (toki Nosiki: Vestnorsk)
- toki Nosiki insa (toki Nosiki: Trøndersk)
- toki Nosiki sewi (toki Nosiki: Nordnorsk)
jan Nosiki ale ken sona e nasin toki ante. taso, tenpo lili la, jan li ken sona ale ala e nasin toki.
kalama
open | sinpin | monsi | insa | lupa uta | |
---|---|---|---|---|---|
kon nena | m | n | ŋ | ||
kon pini | p | t | k | ||
b | d | g | |||
kon pini lili | f | s | ʃ | ç | h |
kon telo | ʋ | l | j | ||
kon telo lili | ɾ |
- toki Nosiki anpa en toki Nosiki insa, en toki Nosiki sewi la, kalama pi kon telo lili li poka kalama pi sinpin la, ona li kama e kalama pi monsi uta [ɳ, ʈ, ɖ, ɭ].
- nasin toki lili la, kalama /ʃ/ li kalama tu [sj].
- toki Nosiki poka lili la, ona li toki ala e kalama /ɾ/. ona li toki e kalama /ʁ/.
- jan mute li toki e kalama /ç/ sama kalama /ʃ/. jan mute pilin e ni: toki ni li sin li ike mute tawa toki Nosiki. taso, jan sona pi kalama li pilin e ni: tenpo kama la, jan Nosiki ale li toki e ni. tan ni la, toki ni li pona tawa jan mute.
- toki Nosiki anpa, en toki Nosiki insa, en toki Nosiki sewi lili la, ona li jo e kalama ante. kalama ni li kon telo lili pi monsi (toki Nosiki: Tjukk-L). ona li tan kalama pi toki Nolon / rð, l /. ona li lon nimi ni: bord, gard, hard. ona li ken lon nimi pi kalama /l/: stol, sol, sjøl. kalama ni li [ɽ] lon sitelen IPA.
sinpin | insa | monsi | ||||||
---|---|---|---|---|---|---|---|---|
sike ala | sike | |||||||
pini | ɪ | iː | ʏ | yː | ʉ | ʉː | ʊ | uː |
insa | ɛ | eː | œ | øː | ɔ | oː | ||
open | (æ) | æː | ɑ | ɑː |
nimi lili pi toki Nosiki
toki pona | toki lipu | toki Ninosiki |
---|---|---|
toki! | Hei! | |
mi tawa.
tawa pona. |
Vi ses.
Ha det bra. |
Me/vi talast.
Ha det bra. |
mute seme? | Hvor mye? | Kor mykje? |
sina sona ala sona e toki pona? | Kan du toki pona? | |
mi sona ala e toki pona. | Jeg kan ikke toki pona. | Eg kan ikkje toki pona. |
nimi sina li seme? | Hva heter du? | Kva heiter du? |
nimi mi li ___. | Jeg heter ___. | Eg heiter ___. |
mi wile moku. | Jeg er sulten. | Eg er svolten. |