sina ante e wan pi lipu "toki Posuka"

== tan pi toki Posuka ==
[[sitelen:Book of Henryków.PNG|alt=sitelen li sitelen e lipu pi ma tomo Kenliku. nimi pi toki Posuka li loje.|thumb|350x350px|''lipu pi ma tomo Kenliku'' (toki Posuka la ''Księga Henrykowska'') li jo e linja nimi nanpa wan pi toki Posuka. sitelen ni la, ona li loje. open la, toki Lasina li toki e ni: "Hoc est in polonico" ("ni li lon toki Posuka").]]
toki Posuka li tan [[kulupu toki Lowan]]. ma Posuka li kama lon tenpo 966. ni la, nasin ale pi toki Posuka li wan. ma Posuka li kama jo e nasin pi jan sewi. kama la, jan li ken sitelen e toki Posuka. nimi ''polski'' ("toki Posuki") li tan nimi ''Polanie.'' nimi ''Polanie'' li nimi jan. ma ona la, ni li ma Posuka lon tenpo ni. nimi Polanie li kama tan nimi ''pole'' ("ma (pali)" anu "ma pi kasi laso lili").

linja nimi nanpa wan li lon ''lipu pi ma tomo Kenliku''. ma tomo Kenliku li lon ma Posuka. linja ni li sitelen kepeken nasin pi toki Lasina. ona li ni: ''Day, ut ia pobrusa, a ti poziwai''. taso, nasin sitelen pi tenpo ni li ante. kepeken nasin sitelen pi tenpo ni la, linja nimi li ni a: ''Daj, uć ja pobrusza, a ti pocziwaj''. kon pi linja nimi ni li "a, mi o ko e pan. sina o pona, (o pali e ala)".