toki Posuka

toki Posuka polski
kalama	/ˈpɔlskʲi/
ma	ma Posuka ma Lijatuwa ma Pelalusi ma Ukawina
kulupu toki	Palata Elopa Palito-Lowan Lowan Lowan pi pini suno Leke Posuka
toki pi tenpo pini	toki Posuka pi tenpo pini toki Inli pi tenpo insa
nasin sitelen	sitelen Lasina
nanpa toki
ISO 639-1	pl
ISO 639-2	pol
ISO 639-3	pol
Glottolog	poli1260
Linguasphere	52-AAA-cc

toki Posuka (toki Posuka: polski) kama tan ma Posuka.

tan pi toki Posuka

lipu pi ma tomo Kenliku (toki Posuka la Księga Henrykowska) li jo e linja nimi nanpa wan pi toki Posuka. sitelen ni la, ona li loje. open la, toki Lasina li toki e ni: "Hoc est in polonico" ("ni li lon toki Posuka").

toki Posuka li tan kulupu toki Lowan. ma Posuka li kama lon tenpo 966. ni la, nasin ale pi toki Posuka li wan. ma Posuka li kama jo e nasin pi jan sewi. kama la, jan li ken sitelen e toki Posuka. nimi polski ("toki Posuki") li tan nimi Polanie. nimi Polanie li nimi jan. ma ona la, ni li ma Posuka lon tenpo ni. nimi Polanie li kama tan nimi pole ("ma (pali)" anu "ma pi kasi laso lili").

linja nimi nanpa wan li lon lipu pi ma tomo Kenliku. ma tomo Kenliku li lon ma Posuka. linja ni li sitelen kepeken nasin pi toki Lasina. ona li ni: Day, ut ia pobrusa, a ti poziwai. taso, nasin sitelen pi tenpo ni li ante. kepeken nasin sitelen pi tenpo ni la, linja nimi li ni a: Daj, uć ja pobrusza, a ti pocziwaj. kon pi linja nimi ni li "a, mi o ko e pan. sina o pona, (o pali e ala)".

kalama

kalama toki pi toki Posuka.

nasin ale toki pi kalama toki.

kalama open

toki Posuki li jo e kalama open luka wan. toki Posuki en toki Lowan ante tan ni: toki Posuki li jo e kalama open tu pi nena sinpin (/ɛ̃/, /ɔ̃/).

ni a li ante: toki Posuka li jo e tenpo kalama wan. ante la, toki Seki en toki Lowenki li jo e tenpo tu.

ni li kalama open ale:

	sinpin	insa	monsi
sewi	i	ɘ	u
insa	ɛ		ɔ
anpa	a

jan wan la <y> li /ɘ/ lon toki Posuki. taso, jan ante mute la, ni li /ɨ/. nasin tu sitelen li pona.

kalama pini

		sinpin	kiwen uta anu nena uta	palisa sike	sewi kiwen	sewi ko
						kiwen	telo
nena sinpin		m	n		ɲ
pini ale	kalama ala	p	t			k	kʲ
	kalama	b	d			ɡ	ɡʲ
pini pana wawa	kalama ala		t͡s	t͡ʂ	t͡ɕ
	kalama		d͡z	d͡ʐ	d͡ʑ
kon tawa	kalama ala	f	s	ʂ	ɕ	x	xʲ
	kalama	v	z	ʐ	ʑ
pini lili			r
nena lon poka			l		j	w

sitelen

p	p
t	t
k	k
kʲ	ki
b	b
d	d
g	g
gj	gi
ts	c
dz	dz
tʂ	cz
dʐ	dż
tɕ	ci	ć
dʑ	dzi	dź
f	f
s	s
ʂ	sz
ɕ	si	ś
x	h	ch
xj	hi	chi
v	w	v
z	z
ʐ	rz	ż
ʑ	zi	ź
m	m
n	n
ɲ	ni	ń
w	ł
l	l	ł
r	r
j	j
a	a
ɛ	e	ą
ɔ	o	ę
ɘ	y
i	i
u	u	ó

nimi pi toki Posuka tan toki pona

• noka (noga)
• oko (oko)
• ona meli (ona)
• ona mije (on)
• linja (linia)
• mi (my)
• palisa (palec)
• poka (bok)
• sijelo (ciało)
• tomo (dom)
• uta (usta)
• mama (mama)

toki pi toki Posuka

• toki!: Dzień dobry anu Hej anu Cześć
• mi tawa en tawa pona: Do widzenia anu Na razie anu Cześć
• mi wile e ___: Chcę ___ anu Potrzebuję ___
  • mi wile lape: Jestem śpiący anu Jestem zmęczony anu Chce mi się spać
  • mi wile moku: Jestem głodny
    • mi wile moku e telo: Jestem spragniony
    • mi wile moku e ___: Chciałbym zjeść ___ anu Zjadłbym ___
• mute seme?: Ile?
• mi pakala: Do licha! anu Do diabła!
• mi sona ala: Nie wiem anu Nie rozumiem
• tomo telo li lon seme?: Gdzie jest łazienka?
• sina sona ala sona e toki pona?: Mówisz w toki ponie? anu Znasz toki ponę?

sina ken lukin e lipu sona Wikipesija lon toki Posuka lon http://pl.wikipedia.org/