toki Sensa
| toki Wensa
svenska | |
|---|---|
| kalama | [ˈsvɛ̂nːska] |
| ma | ma Wensa |
| kulupu toki | Palata Elopa |
| nasin sitelen | sitelen Lasina |
| nanpa toki | |
| ISO 639-1 | sv
|
| ISO 639-2 | swe
|
| ISO 639-3 | swe
|
- ike la lipu ni li lili. sina wile pona e ona la sina ken suli e ona.
toki Wensa (Svenska) li toki lon ma Wensa lon ma Sumi. jan 10,000,000 li toki e toki Wensa.
nasin toki
nimi jan
toki Wensa li ante e nimi jan tan ni: nimi jan li toki e nasin pali jan. jan li pali e ijo la toki Wensa li kepeken e nimi jan. ijo pali e jan la toki Wensa li kepeken e nimi jan ante. toki Wensa li ante kin e nimi jan tan ni: nimi jan li toki e nanpa jan.
| jan li... | ...e jan |
|---|---|
| jag (mi) | mig (...e mi) |
| du (sina) | dig (...e sina) |
| han/hon/hen (ona) | honom/henne/hen(om) (...e ona) |
| den/det (ona (jan ala)) | den/det (...e ona (jan ala)) |
| vi (mi mute) | oss (...e mi mute) |
| ni (sina mute) | er (...e sina mute) |
| de (ona mute) | dem (...e ona mute) |
nimi ijo
kulupu nimi
toki Wensa li jo e kulupu nimi tu. kulupu ni li ante e nimi ante. o lukin e ni:
stort hus (tomo suli)
stor växt (kasi suli)
nimi stor (suli) li ante. nimi hus en nimi växt li lon kulupu tu ante.
nanpa ijo
toki Wensa li ante e nimi ijo tan ni: nimi ijo li toki e nanpa ijo.
| wan | mute |
|---|---|
| hus (tomo) | hus (tomo mute) |
| växt (kasi) | växter (kasi mute) |
| bok (lipu) | böcker (lipu mute) |
| kvinna (meli) | kvinnor (meli mute) |
nimi pali
toki Wensa li ante e nimi pali tan ni: nimi pali li toki e tenpo. nimi pali ken toki e tenpo luka: tenpo ala, tenpo pini mute, tenpo pini, tenpo ni, en tenpo kama.
| tenpo ala | tenpo pini mute | tenpo pini | tenpo ni | tenpo kama |
|---|---|---|---|---|
| vara (lon) | har varit | var | är | ska vara |
| älska (olin) | har älskat | älskade | älskar | ska älska |
| förstöra (pakala) | har förstört | förstörde | förstör | ska förstöra |